ZORGE

ZORGE Rixard (1895. 22. 9, Boku – 1944. 7. 11, Tokio) — mashhur razvedkami, 2-jahon urushi qahramoni (1964-y., oʻlimidan soʻng). 30—40-y. larda nemis jurnalisti sifatida Germaniya, Xitoy va Yaponiyada boʻlib, qimmatli razvedka maʼlumotlarini qoʻlga kiritgan. SSSRga nemis-fashist qoʻshinlarining moʻljaldagi bostirib kirish vaqtini, diviziyalar soni va ularning harbiy harakatlari rejasining umumiy sxemasi haqida axborot bergan. 1941-y. da yapon politsiyasi tomonidan qoʻlga olinib, 1944-y. noyab. da qatl qilingan.