USMONOV Botir Maqsudovich
USMONOV Botir Maqsudovich (1984.15.4, Samarkand) — ogir atletikachi, xalqaro toifadagi sport ustasi (2001), «Oʻzbekiston iftixori» (2001). Samarkand sh. respublika Olimpiya zaxiralari bilim yurtini tugatgan (2002). Oʻzbekistonda sport ustasi unvoniga sazovor boʻlgan eng yosh ogir atletikachi (1998). Yoshlar oʻrtasida Osiyo (1999, Uxan; 2000, Chenju; 2001, Nanchan; 2003, Bali), kattalar oʻrtasida Oʻzbekiston (2002, 2003, 2004) chempioni. Koʻplab nufuzli musobakalar sovrindori. Oʻzbekiston Respublikasi Ichki ishlar vazirligi akademiyasida oʻqiydi (2004). Oʻzbekiston Respublikasi Madaniyat va sport ishlari vazirligida sport yoʻriqchisi (2001-y. dan).
Ensiklopediya.uz
USMONOV Botir Maqsudovich