TASMACHISOY

TASMACHISOY (Tasmanchisoy, Oʻrtabuloq; yuqori va oʻrta oqimida Jizmonsoy) — Navoiy viloyati Xatirchi tumanidagi soy. Oqdaryoning irmogʻi. Uz. 38 km, havzasining mayd. 33 km2. Oqtov tizmasining jan. yon bagʻridagi bulokdan boshlanadi. Qoryomgʻir suvlari, qisman buloqlardan toʻyinadi. Tasmachisoy suvi sugʻorishga sarflanadi. Navandak qishlogʻidan quyiroqda soy har yili qurib qoladi. Murdash qishlogʻi yonida oʻrtacha koʻp yillik suv sarfi, 0,099 m3/sek, oqim moduli 3,0l/sek. km2. Eng koʻp sutkalik suv sarfi martda, suv toshqini mart — apr. da kuzatiladi.

Ensiklopediya.uz
TASMACHISOY