KUSHVARYOV Xristofor Stepanovich

KUSHVARYOV Xristofor Stepanovich

KUSHVARYOV Xristofor Stepanovich [1890.23.5 (4.6), Simferopol — 1960.25.1, Leningrad] — arman kompozitori, musiqashunos va pedagog. Armaniston (1939) va Oʻzbekiston (1943) da xizmat koʻrsatgan sanʼat arbobi, prof. (1939). Petrograd un-ti (1916) va Leningrad konservatoriyasi (1925)ni tugatgan. Tiflis musiqa in-ti va konservatoriyasi (1921—23), Leningrad konservatoriyasi (1925—60)da garmoniya, polifoniya va kompozitsiyadan daryo bergan.1944—49 y. larda Armaniston FAning musiqa tarixi va nazariyasi boʻlimida ilmiy xodim va mudir. Arman musiqa merosini nazariy tadqiq qilib, Sharq xalqlari mumtoz asarlarining kompleks taqliliga asos yaratgan Kushvaryov organ, violonchel uchun asarlar, arman xalq kuylari asosida xorlar, spektakllarga musiqalar yaratgan. 1941—43 y. lar Oʻzbekistonda yashab, Toʻychi hofiz Toshmuhamedov, Usta Olim Komilov va M. Turgʻunboyevapar ijodini oʻrgangan. Oʻzbek raqslari usullari haqida maqolalar yozgan. M. Leviyev, T. Sodiqov, M. Burhonov, M. Vasimov va b. oʻzbek kompozitorlarining ustozi.

Ensiklopediya.uz
KUSHVARYOV Xristofor Stepanovich