KURCHATOV Igor Vasilyevich

KURCHATOV Igor Vasilyevich

KURCHATOV Igor Vasilyevich [1902.30.12 (1903.12.1), Sim sh., hozirgi Chelyabinsk viloyati Asha tumani —1960.7.2, Moskva] — rus fizik olimi, akad. (1943). Atom fani va texnikasining tashkilotchilaridan biri. Qrim un-tini tugatgan(1923). 1925-y. dan Leninfad fizika-texnika in-tida A. F. Ioffe rahbarligida ishlay boshlagan. 1943 i. da lab. tashkil etib, unga rahbarlik qilgan (keyinchalik bu lab. SSSR FA Atom energiyasi in-tiga aylantirilgan). Ilmiy ishini dielektriklar tabiatini oʻrganishdan boshladi. Segnet tuzining elektr xossalarini oʻrganib, segnetoelektriklar nazariyasiga asos soldi. 1933-y. dan atom yadrosi fizikasi masalalari bilan shugullanib, sunʼiyradioaktiv izotoplar yadro izomeriyasi hodisasini (1935), rus olimlari K. A. Petrjak, G. N. Flyorov bilan birgalikda uran-235 ning oʻz-oʻzidan boʻlinishini kashf qildi (1940). Kurchatov rahbarligida Moskvada siklotron (1944), Yevropada birinchi atom reaktori (1946), birinchi sovet atom bombasi (1949) va dunyoda birinchi termoyadro bombasi (1953), dunyoda birinchi atom elektr stansiyasi (1954) yaratildi va boshqariladigan termoyadro sintezi muammolariga oid tadqiqotlar qilishga kirisha boshlandi. Kurchatov tashabbusi bilan Oʻzbekistonda Oʻzbekiston FA Yadro fizikasi instituti tashqil qilingan.

Ensiklopediya.uz
KURCHATOV Igor Vasilyevich

Оставьте комментарий