KOʻHISIM

KOʻHISIM

KOʻHISIM (Qoʻrgʻontepa) – Iloq davlatidagi qad. shahar xarobasi (6 — 11-a. lar). Nishboshsoyning Ohangaron daryosiga quyilish yerida, Angren sh. yaqinida. 1960-y. D. P. Varxotova va V. A. Nilsen u yerda dastlabki qazish ishlarini olib borgan. Tadqiqotlar natijasida quyidagilar aniqlangan: K. 6—7-a. larda yirik yer egasi — dehqon qoʻrgʻoni sifatida yuzaga kelgan. 8—9-a. larga kelib, qalʼa-shaharga aylangan va mayd. 16 ga ni tashkil etgan. Bu davrda u 3 qism — qalʼa, shahriston hamda raboddan iborat boʻlgan. Ravnaq topgan davri 9—10-a. larga toʻgʻri keladi. 1962 va 1963-y. larda olib borilgan qazishmalar vaqtida 10—11-a. larga oid ik-kita mis va kumush tangalar xazinasi, paleolit davriga mansub chaqmoqtoshdan qilingan mehnat qurollari, sopol haykalcha boʻlagi, 10-a. ga doir sopol va shisha idishlar siniklari topilgan. Shuningdek, Nishboshsoy boʻyidan qizil porfirit (togʻ jinsi) dan yasalgan tegirmon toshi boʻlagi ham topilib, uning rudalarni maydalashda ishlatilgani maʼlum boʻldi.

Ensiklopediya.uz
KOʻHISIM

Оставьте комментарий