GIDRAVLIK TRANSPORT haqida malumot bilib oling.

GIDRAVLIK TRANSPORT — materiallarni suv oqimi yordamida tashiydigan transport turi. Bosimsiz va bosimlixillari bor. Bosimsiz Gidravlik transportda gidravlik aralashma qiya nov va quvurlar boʻylab siljib, bosimi atmosfera bosimiga teng boʻlgan erkmn sirtga ega boʻladi. Bosimli Gidravlik transportda gidravlik aralashma quvurlarda nasoslar hosil qilgan ortiqcha bosim taʼsirida siljiydi. Tashiladigan zarralar, gidravlik aralashma konsentratsiyasining zichligi va oʻlchamlariga hamda quvurning diametriga qarab tezlik qiymati 1,5—2 dan 4—5 m/s gacha boradi. Gidravlik transport gidromexanizatsiyada foydali qazilmalarni tashish, ularni boyitish uchun ulardan chiqindilarni chiqarib tashlashda, tuproq inshootlari (toʻgʻon, damba va b.)ni kutarishda, qozon qurilmalaridan shlak, kullarni chiqarib tashlashda, foydali qazilmalarni tashishda, turli materiallar (yogʻoch chiqindilari, qogʻoz massalari, qand va spirt z-dlari xom ashyolari va b.)ni tashishda ishlatiladi.