BULUNGʻUR DOSTONCHILIK MAKTABI haqida malumot bilib oling.

BULUNGʻUR DOSTONCHILIK MAKTABI — Bulungʻur tumani (Samarqand viloyati)dagi baxshilik sanʼati markazi. Bunga mansub baxshilar qahramonlik dostonlarini ijro etish b-n mashhur boʻlganlar. Bu maktab repertuaridagi dostonlar soddaligi, oʻta anʼanaviy va nisbatan arxaikligi bilan ajralib turadi. 18—20-a. larda yashagan Amin baxshi, Muhammad shoir, Chini shoir, Tovbuzar shoir, Qurbonbek shoir, Sultonmurod, Yoʻldoshbulbul, Yoʻldosh Mulla Murod ugʻli, Rahimbulbul, Joʻra shoir, Doʻstyor Xoʻjayor oʻgʻli, Xoʻjanazar baxshi, Fozil Yoʻldoshoʻgʻli, Yorlaqab Beknazar oʻgʻli kabi oʻnlab yirik dostonchilarni birlashtirgan bu maktab vakillari Bulungʻur, Jomboy, Poyariq, Gʻallaorol, Zomin, Jizzax atroflarida dostonchilik qilib yurganlar. Ular dostonlarni asosan doʻmbira, baʼzan qoʻbiz joʻrligida ijro , ettanlar. Bu maktab vakillaridan yozib olingan «Alpomish», «Yodgor», «Yusuf bilan Ahmad», «Mashriqo», «Balogar don», «Nurali», «Shirin bilan Shakar», «Rustam», «Murodxon», «Zevarxon» va b. dostonlar badiiy uslubi jihatidan Bulungʻur dostonchilik maktabiga xos xususiyatlarni oʻzida mujassam etgan. Bulungʻur dostonchilik maktabi vakillari Fargʻona vodiysidagi oʻzbek dostonchilari, jumladan Yangiqoʻrgʻon tumanidagi Qoʻlbuqon dostonchilari ijodining shakllanishiga ijobiy taʼsir koʻrsatgan.

Ad: Mirzayev T., Sobirov O., Imomov K., Oʻzbek xalq ogʻzaki poetik ijodi, T., 1980.