Жоним деб жон олар жанона қизлар узбекча шеър

Севги изҳорларга парво қилмайди,
Югуриб толмадик ортидан бизлар.
Бизларнинг дардимиз асло билмайди,
Жоним деб жон олар жанона қизлар.

Бизларга сузади оҳу кўзларин.

Қизғонмас аямас ширин сўзларин.
Олиб қочиб гоҳо кулиб ўзларин.
Жоним деб жон олар жанона қизлар.

Кучамдан ўтади қошларин қоқиб.
Девона айлайди мен томон боқиб.
Кунгилга йўл топиб оловлар ёқиб.
Жоним деб жон олар жанона қизлар.

Ёндириб юракни айлайди пора.
Ёришар кунглимиз боқса бир бора.
Дилда гумонларга қолдирмай чора.
Жоним деб жон олар жанона қизлар.

Ўйлайди ўзини кукда ой дея.
Ҳеч кимда йўқ эрур бу чирой дея.
Новвот қўшиб берай ширин чой дея.
Жоним деб жон олар жанона қизлар.

Шерлар
Жоним деб жон олар жанона қизлар узбекча шеър