FRANKFURTMAYN

FRANKFURTMAYN — Germaniyadagi shahar, Gessen yerida. Aholisi 644,7 ming kishi (1999). Transport yoʻllari chorrahasi. Mayn daryosi boʻyidagi port. Aeroporti xalqaro ahamiyatga ega. GFRning yirik moliyaviy, muhim savdo, sanoat va madaniyat markazi. Mashinasozlik (xususan, stanoksozlik, elektrotexnika, avtomobilsozlik, priborsozlik), rangli metallurgiya, kimyo va neft kimyosi, poligrafiya, tikuvchilik, koʻnpoyabzal, toʻqimachilik, oziq-ovqat sanoati korxonalari mavjud. Zargarlik buyumlari ishlab chiqariladi. Metropoliten bor. Atrofidagi shaharlar bilan yagona sanoat rnini tashkil qiladi. Gyote nomidagi un-t (1914), atom tadqiqotlari va boshka i. t. institutlari, Nafis sanʼat akademiyasi, badiiy int va b. bor. Shahar galereyasi, Gyote uymuzeyi, badiiy hunarmandchilik va b. muzeylar faoliyat koʻrsatadi. Shahar ilk bor 8-a. manbalarida tilga olingan. Franklar, germanlar va rimliklar ixtiyorida boʻlgan. 1866-y. dan Prussiya tarkibida, 19-a. dan Germaniyaning yirik sanoat markazi. Meʼmoriy yodgorliklaridan Zaalxof saroyi — knyaz qarorgohi (12-a.), SanktBartolomeus sobori, ratusha va b. saklangan.

Ensiklopediya.uz
FRANKFURTMAYN