YENGIL BETON

YENGIL BETON — quruq holatdagi hajmiy massasi 500—1800 kg/m3 boʻlgan beton. Tayyorlanishiga koʻra, gʻovak toʻldirgichlar asosidagi tabiiy (mas, pemzobeton, tufobeton) va sunʼiy (agloporit-beton, keramzit-beton va b.); yirik gʻovakli va yacheykali xillarga; vazifasiga koʻra, issiqlik izolyatsiya, konstruksion va konstruksion-issiqlik izolyatsiyali xillarga boʻlinadi. Yengil beton asosan bino va inshootlarning toʻsuvchi qurilmalarida qoʻllaniladi.