GRIMSSON Olavur Ragnar haqida malumot bilib oling.

GRIMSSON Olavur Ragnar (1943.14.5, Isafyordyur sh.) — Islandiya prezidenta. Manchester un-tini tugatgan (1965). 1970-y. dan Reykyavik sh. dagi Islandiya un-tida oʻqituvchi, 1971-y. dan prof. 1976-y. dan soʻl pozitsiyadagi Xalq ittifoqi partiyasi aʼzosi, 1978 —83 y. larda Xalq ittifoqi partiyasining parlament guruhi yetakchisi, 1987-y. dan Xalq ittifoqi partiyasi raisi. 1988 — 91 y. larda Islandiya moliya vaziri. 1991 va 1995-y. Xalq ittifoqi partiyasidan parlament aʼzoligiga saylangan. 1996-y. iyundan Islandiya Respublikasi prezidenta. Indira Gandi nomidagi xalqaro mukofot bilan taqdirlangan (1987).