Хазонли кунлар. Тузок… 3-кисм
Кун тушдан огиб, кечга караб йул олган бир махал. Киш кунлари кунлар киска,тунлар узун. Ха деганда тушлик вакти, егиштириб булар–булмас кечки овкатга уннаш керак. Сарвихон кечки овкат тайёрлаш максадида ошхонага йул ола бошлади. Ёш келинларнинг бирдан бир катта муаммоси нима овкат килишда. Сарвихон бу тарафдан хам хам омади чопмаганлардан, чунки кайнонасидан сураб боши балога колади. Илк овкат вокеасига бир тухталсак.
Келин булиб келганига икки кун булганди. Сарвихон кечки овкатга нима тайёрлашни сураш максадида кайнонасининг олдига борди.
–Ая, нима овкат тайёрлай?
–Билганингни килавер, гушт бор, ширин чикмаса нуноклигингдан, –деб жеркиб берган, шу–шу бошка овкат борасида кайнонасидан маслахат сурамайдиган булган. Мана, бугун хам овкат килиш махали Сарвихоннинг ичига ола мушук кириб, жойлашиб, тирнай бошлаган. Чунки хар овкатдан бахона, камчилик топишга уста булиб колган Гулнор опа Сарвихонга кандай килиб булмасин босим утказиш пайида. Хеч айб топмадими овкатнинг туридан айб кидириб бошлайди. Ош булган куни шурва ичкиси келганини айтиб бакирса, шурва булган куни ош егиси келганини айтиб келинига азоб беради.
………………………..
Кулида кола елим халта (салафан пакет) кутариб келган Илёс тугри уз хоналарига йул олди. Буни деразадан кузатиб турган Гулнор опа углининг галати харакатини кузатиш ва кора елим халтадаги нарсанинг нима эканлигини билиш максадида хар доимгидек жойи–келин–куёвларнинг хонаси деразасининг ёнига утириб олди ва уларни пойлай бошлади.
Илёснинг хонасига кириб кетганини ошхонадан кузатиб турган Сарвихон югуриб оркасидан кириб келди.
–Келдингизми бегим?, –хол суради Сарвихон.
–Хмммм, бегиммиш, ичидан пишган писмик, –ичида тунгиллади Гулнор опа.
–Келдим, мана бу сенга, –дея кулидаги кулупнойлар солинган елим халтани узатди. Сарвихон халтачани очиб ичидаги кип–кизил булиб товланиб турган кулупнойларни куриб севиниб кетганидан узида йук эди. Чунки унинг бутун иштахаси факат кулупнойни талаб киларди, бу эса хомилага фойда эди.
–Вой бегим, катта рахмат. Худди эндигина узулгандек турибди. Айтганча, хозир кулупнойларнинг вакти утган, каерлардан топдингиз, нархиям осмон булса керак–а?
–Сен узумини егинда, богини сурама, ана, сандикчанга солиб куйгинда уч–турт донадан егин, –овозини пасайтирди Илёс.
–Хуп булади узимнинг мехрибоним, –дея Сарвихон хам овозини пасайтириб, эрининг юзидан чулп этиб упиб куйди. Буларнинг барчасига бевосита гувох булиб турган Гулнор опа узига сигмас даражада кизишиб кетди ва узини тутиб туролмасдан важохат билан сапчиб урнидан турди–да, деразадан ичкарига бошини сугиб, икки ёшга бакира кетди:
–Эр булмай хар бало бул лапашанг, онанга, сингилларинга бир марта олиб келмаган кулупнойни кишнинг кок уртасида мана бу ойимчанга олиб келдинг, –дея огзидан хакоратлар ёгила бошлади.
–Эна, тушунсангизчи, келинингиз шунга боши коронгу булибди, олиб бермасам хомлага зарари бор дейишганку, –деди Илёс узида куч топиб.
–Мен хам тукканман, бир эмас турттани тукканман, аммо биронтангда нагма килмаганман. Чунки бизнинг кузимиз тук булиб, хеч нарсага зорикмай, усганмиз. Мана бу гадойинг нафсини тиёлмасдан сенга кулупнойни бахона килибди, биласанми хозир бунинг килоси канча туришини? Кулупнойни энди кураётгандир бу курумсокинг, –деб Сарвихонни яна камситишга тушди. Буни кутаролмаган Сарвихон кузларига ёш олиб, елим халтани олиб кайнонасининг олдига куйди.
–Олинг, олинг ая, емаганим булсин, олиб бориб енгизлар, факат… факат ота–онамни камситишни бас килинг, биз гадой булиб бирон марта бировнинг ховлисига ош–нон тиланиб бормадик, топганимизга шукур килиб яшадик, бизда мол–дунё куп булмаса хам файз куп, –деб йиглай бошлади азоблардан буйнигача тулиб борган Сарвихон.
–Хооооо, файз куп дегин, уша файзинг корнингни туйгазмайди, бу ерда сенинг фикрингни хеч ким сурамади, углимнинг устига чикиб олдинг, уни эговлаб, буйнидан ип утказишни бас кил, –жазавага тушди кайнона.
–Булди, тортишмангизлар, эна, сизга кулупной керакми? Ана, олдингизда турибди, олинг, бошка олиб келмайман. Жанжални егиштирингизлар, шундогам жанжалдан туйиб кетдим.
–Хаммасига мана бу супургинг айбдор, илондек тулгониб сени узига буйсундириб олди.
–Етар, эна, булди дедим. Шуям бировнинг боласику, нега бунча уни кийнайсиз, шунча вакт чидадим, онам деб хурматингизни кидим, бугун сабрим туляпти тушундингизми? Мен биров учунмас, хотиним ва болам учун олиб келгандим кулупнойни, сизам онасиз, аёлсиз, буни мендан хам яхши биласизку, нега тинч хаётимизга захар соласиз, качонгача эна, –узини тутиб туролмади Илёс.
–Курнамак бола, сен уз онанга бакирдингми? Шу манжалаки хотинингни деб менга тик бокдингми? Хе, бола, каргишимни олма, кукармайсан, билдингми, куакрмайсан, –овози титради Гулнор опанинг.
–Аяжон, илтимос, углингизни каргаманг, мана мени карганг, факат углингизни каргаманг, хамма айб менда, менда аяжон, –деб зорланиб йиглашга тушди Сарвихон. –Кулупнойни мен тайинлаган эдим, уни мен ейман деб тайинлаган едим, углингизда айб йук аяжон.
–Иккиюзламачи, сен углим билан менинг орамизага кора девор тушурдинг, сенинг касофтангни деб уйимда хар куни жанжал, халоватимизни угирладинг зоти пас, афтинг курисин, –деб елим халтадаги кулупнойларни олиб Гулнор опа уз хонасига равони булди…
–Качонгача, качонгача бегим, мен тамом булдим, сабрим колмади, сабрим колмади, –деб уксиб йиглай бошлади Сарвихон.
–Йиглама, йиглама жоним, хали хаммаси яхши булади. Янги ховли куриб бу ховлидан кучиб чикиб кетамиз, мен, сен ва фарзандларимиз бир бутун оила булиб яшаймиз. Ушанда бу кургуликларинга нукта куйилади. Онамнинг уйига мехмон булиб келамиз, ушанда кадрли булсак ажабмас, –деб Сарвихонни багрига босиб, сочларини силай бошлади. Бу сузларгина Сарвихонга яшашга куч берарди. Уни факат шу сузлар ушлаб турарди бу хонадонда.
–Кулупной егим келганди, томогим тушди, хаммасини олиб кетди, –йигисини тухтата олмади Сарвихон.
–Хали узим яна олиб келиб бераман. Онамга тенг булиб жанжаллашиш бефойдалигини биласанку, –деган хам эди Нурия синглиси косада кулупной олиб келиб колди. Хали 6–синфда укиганлиги боис унча нарсаларга ахамият бермайдиган кизча эшикни такиллатмасдан кириб келди.
–Ака, мана буни янгам есинлар экан. Корнидаги жиянчамга катттттааааа фойда экан, –деди Нурияхон.
–Ким бериб юборди Нурия?, –хайрат билан суради Илёс.
–Энам берди. Айтдиларки, янгам уйга чакалок олиб келар экан. Аммо янгам шуни бахона килиб ишламай ётиб олмаслиги керак экан, отамга айтди, –деб барча гапларни етказиб келди кизча.
–Рахмат дегин энамга, сенгаям рахмат, мана бу сенга, –дея икки дона кулупной узатди.
–Йук, мен емайман. Энам еманглар, янганга булар деб хаммасини музлаткичга солиб куйди, биронтанг тегманглар, булмаса таёк ейсанлар деб уришди, –деб булган гапларни айтди.
–Олинг Нурия, олинг енг, ширин экан, –деб Сарвихон кулупнойларни кайнсинглисига едира бошлади. –Ширинмикан?
–Хаа, ширин экан.
–Ана бу бошка гап, –деди Илёс синглисига жилмайиб.
–Рахмат, –деб Нурия хонани тарк этди. Илёс ва Сарвихон кутилмаган вокеадан гангиб, на хурсанд булишини, на хафа булишини билмай колишди. Хартугул бу шунча кунлардан буён Гулнор опанинг илк яхши тарафга узгариши эди. Харкалай у–она, у хам боланинг азиз неъматлигини яхши билади. Балким бу мехрибончилик факатгина келинининг корнидаги боласи учундир, аммо барибирам яхши тарафга бир кадам ташланган эди. Келин–куёв шуларни уйлаб кунгли бироз хотиржам буларди…
……………………….
Мухаммад Юсуфнинг шундай мисралари бор…
Ёмон кунлар бир кун,
Яхши булар–у,
Ёмон одам яхши
Булмас хеч качон…
Кон билан кирган феъл–атвор жон билан чикар. Гулнор опанинг бу мехрибончилиги дакикаларгача чузилди, холос. Аслида, у углининг айтган гапларига аччик килиб кулупнойларни, хатто болаларига едирмай захарига шу есин кабилда музлаткичга солиб куйган экан. Буни Илёс ва Сарвихон кечки овкат вактидагина билишди. Оилавий овкатланиш махали Гулнор опа Шавкат акага гап солиб колди.
–Бошимда эрим бор, эрдай булиб сизам мен ва болаларига хеч замонда кулупной олиб келмагансиз. Узим бориб олиб келсам бор, булмаса йук.
–Шу масалани яна очма хотин. Олиб келса келнинга олиб келибди, бегонагамаску, набиранг учун фойдали экан, нима килибди олиб келса? Менам сенга анор олиб келганим эсингдан чикдими? Илёсга бошкоронгу булганингдаям айнан январ ойи эди. Сени кунгли уксимасин деб онам рахматлик мени куярда куймай пойтахтга юборганди анорга. Ушанда хозиргидек бозор ривожланмаган бир пайтда онам сенга деб мени юборганди, ушанда бир каропка анор олиб келгандим, онам эса хаммасини сенга едиргани эсингдан чикдими? Нега шуларни эсламайсан–а онаси, –дея куйинди Шавкат ака.
–Мен келинингизга ухшаб писмик ва гадой эмасдим, боримни уртага куярдим, мана бунингиз бугун кулупнойларни сандикчамга яшириб еб юраман деди, безбет, углим хам унга шалпайиб кушилиб утирибди эркак булмиш.
–Э–ээээ, сенгами, Худо бас келсин–еее, овкатниям захар килдинг, –деб Шавкат ака урнидан туриб кетди. Илёс ва Сарвихон буларнинг барчаси сароб эканлигини англаб, ичидан узилди…
……………………..
Кун ботади, тонг отади, кунлар изидан кунлар утади. Сарвихоннинг хомиласи хам турт ойни каршилаб колган. У бу ойлар орасида не бир кунларни курмади, хатто хомила тушиб колиш даражасигача борди, кайнонасининг шарофати билан у ун кунлаб ота–онасининг уйида курпага михланиб ётиб колди. Совукнинг кунида кир ювиш, иссик тандирда нон ёпиш, огир юмушларни килиш Сарвихоннинг буйнида эди. Кайнона булмиш ёрдам беирш нари турсин, аксинча, хомиласидан сунг унга юмушлар сонини купайтриди, ниманмиш, канча харакат куп килинса, хомила шунча соглом булармиш. Бу нарса уз кучини курсатиб, хомланинг тушиб колишига бир бахя колди, аммо Илёс хотинини онасининг уйига олиб бориб, то согайгунча олиб келмади. Чунки онаси уйда унга берахмларча иш буюрар, хомласи хакида буткул кайгурмас, ха деганда узини мисол келтирарди. Мехри хола кизининг бу ярим ялтирок, ярим корамтир бахтидан кайгуда эди. Кудасининг хурмача киликларию кизига бераётган азобу ситамларини билса хам бир огиз гапиришга ботинолмасди. Огзи полвон Гулнор опа кудаларини умуман писандга илмас, руй–рост килиб гадойлар деб жаврарди. Аслида, Шавкат ака хам кудасидан унча бойрокмас, уй–жойини хисобга олмаганда, шуни хам Илёснинг Россияга боргани шарофати билан куриб олган. Булмаса Шавкат аканинг иши уйни тебратиб туришга етади, холос. Гулнор опа эса уйда, бекорчи. Унга кибр отасининг ховлисидан утиб келиб мерос колган, чунки Гулнор опанинг отаси уз даврининг бардам одамларидан эди.
………………………
Март ойи… Бахор, дилларга мухаббат уругини сочиб, узининг ёмгирли тунлари билан уругларни улкан дарахтга айлантира оладиган муъжизакор фасл. Бунда бутун борлик янгитдан чирой очиб, бутун табиат худди энди тугилган чакалокдек покизага айланади. Дарахтлар куртак ёзиб, бутун хаётини бошидан бошлайди. Адирларни айтмайсизми, саргайиб тупрокка айланиб кетган адирликлар бир зумда яшиликка бурканади. Ана табиат муъжизаси, бутун борлик янгиланади, канийди… Канийди инсон калби хам бахор келиши билан худди табиат сингари эски хаётини ташласаю янгитдан чирой очса, яшнаса, яйраса. Балким ушанда Гулнор опадек кайноналарнинг калбига иликлик кириб, яхши томонга узгарса. На яхши суз, на ёмон сузни ёктирадиган Гулнор опа узининг хурмача киликларини хеч ташламасди. Бу орада Илёснинг Россияга кетиш вакти хам булиб колган эди. У хамрохлари билан бирга сафарга кетиш тараддудини бошлаб юборди. Бу эса Сарвихон учун аламларнинг ибтидоси эди. У канчалик ялинмасин Илёсни бу йулдан кайтара олмасди.
–Бегим, куйинг, Россияга борманг. Узимиздаям иш купку, ана канча одамлар узимизда ишлаб рузгор тебратишяпти.
–Мен жураларимдан айрилиб шу ерда ишлашни хохламайман. Кейин машинам хам анча эскириб колди. Уни янгисига алмаштиришим кераки.
–Бегим, ахир…
–Булди, булди жоним, узоги билан саккиз ойда келаман. Сен унгача менга кучкордек угил тугиб берасан. Мен келиб икковларингни багримга босаман. Хали хаммаси яхши булади, –деб Сарвихонга тасалли берди. Сарвихон кузидаги маржон ёшларини юзига томизиб бу ойлар мобайнидаги кора кунларининг кай даражада утишини уйларди. Илёс кетса унга суянчик йук, бутун куни кайнонасининг зугумига богланади. Неча марта кунглини олай деб ширинсузлик хам килди, барибир бефойда. Хаётда шундай оналар хам, кайноналар хам учраб туриши, афсуски мукаддас оилаларнинг илдизига болта уради…
……………………….
Куни келиб Илёс сафарга жунаб кетди. Жунаб кетишидан олдин Сарвихон уни куйиб юбормаслик учун махкам багрига осди, аммо бешафкат вакт уларни айирди. Илёс Россияга, Сарвихон сукунат каърига йул олишди. Гулнор опанинг кейинги киликлари Сарвихонга кандай кунлар солишини вакт давомида билиб оласиз…
Учинчи кисм тугади. Ана энди вокеларнинг кескинлашувига етдик. Сизлардан уша уша илтимос, сабр билан укинг, афсус килмайсиз. Зеро хаёт мактабининг асл куринишини хикояда ёритиб боряпман. Хеч кандай бурттириш, лоф йук, буларнинг барчаси хаётнинг когозлардаги акси. Сарвихоннинг келажаги ва бугуни хакида кузатиб боринг. Гулнор опа узгарадими ёки йук, Сарвихон фарзандли буладими ёки йук, Илёснинг такдири, кейинги кисмларда, сабр билан укиётганларга яна бир бор рахмат, деб…
Хикоялар
Хазонли кунлар. Тузок… 3-кисм