Тугилмаган болалар сухбати
Тугилмаган болалар сухбати: — Улар мени нобуд килишга карор килишганида, йиглаб, какшадим, аммо эшитишмади. Баданимга теккан метал жуда совук экан. Огриги хам ёмон буларкан. Оёк-кулимни кесаётганларида… уларнинг менга рахмлари келмади. Онам эса факат унсиз йиглади, холос
Жаннат. Ёругликка бурканган гушанинг оппок беланчакларида сухбатлашиб утирган чакалокларнинг кикир-кикир кулгилари, шух-шодон овозлари дилбар шабада билан чамбарчас булиб кетган бир паллада, диккатларини хозиргина беланчагига ярим оксаб, ярим эмаклаб келиб ётган чакалок булди. Хаммаси бирданига уни ураб олишди.
— Нима булди?
— У ёкда булдингми?
— Ер юзи кандай экан?
— Одамларчи?
— Гапира колсангчи энди!
Болажонлар уни бир зумда минг хил саволларга кумиб ташлашди. У олдин хеч нарса демади. Эгнидаги нур таратиб турган оппок либосини ечиб ташлади. Унинг битта оёги ва иккала кули хам мажрух эди. Болажонлар бирваракайига “ох”лаб юборишди.
— Нима булди?
— Кайтиб келдим.
— Нега кайтдинг?
— Керагим йук экан.
— Оёк-кулларингга нима килишди.
У айбдорона бошини эгди. Кейин охиста гап бошлади:
— Уларга киз боланинг кераги йук экан. Тангрим уларга мени раво курганида, очиги, улар хам мен каби хурсанд булсалар керак, деб уйлагандим. Колаверса, олдин хаммаси яхши эди. Онам мени канчалик асраб авайлар, эъзозларди. Отам хам нафакат мени, балки мен сабаб онамни хам бошида кутариб юрганди. Назаримда, хаммаси мени интизорлик билан куз тикиб утиргандек эди. Мен… жуда-жуда бахтиёр эдим, эшитяпсизларми, жудаям бахтиёр эдим.
— Булди, йиглама, нега бундай булди ахир?
— Улар мени нобуд килишга карор килишганида, бутун умидларим йук булиб кетди. Канча ялиндим, ёлвордим, аммо улар эшитишмади. Йиглаб, какшадим, аммо… баданимга теккан метал жуда совук экан. Огриги хам ёмон буларкан. Оёк-кулимни кесаётганларида… уларнинг менга рахмлари келмади. Онам эса факат унсиз йиглади, холос.
— Хеч ким ёрдам бермадими?
— Йук. Битта оппок кийиниб олган хола онамнинг бошини силаб туриб: “Хафа булманг, синглим! Худо хохласа хаммаси яхши булиб, кейинги гал сизга хам угил беради, мана курасиз”, деди.
Чакалокларнинг бари жим булиб колишди. Орага чуккан сукунат киёмига етганида, яна битта кизалок урнидан турди.
— Мен бора колай энди. Ота-онам мени интизорлик билан кутишяпти. Назаримда тугилишим биланок улар…
— Йук, йук, йук! Борма уёкка, илтимос, — унинг этагига ёпишди боягина дунёдан кайтган кизалок. – Одамлар жуда ёмон, улар сени хам шу куйга солишади. Борма!
— Йук, ундай булмайди, – деди иккинчи кизча. – Улар мени кутишяпти. Ун икки йилдан бери. Отамнинг хам хамма жойда яшириниб йиглаб, онамнинг хам туни билан йиглаб килаётган дуолари факат битта: “Яратган Эгам, мархаматингни дариг тутма биздан, хох угил, хох киз булсин, фарзанд бер!”.
У кетди. Колганлар унинг ортидан хавас билан термулиб колишди.
— Одамларга угил бола керак эканда-а? – деди битта кизалок.
— Бунинг нимаси яхши, масалан мен хам угил боламан. Лекин фойдаси йук-ку, – деди битта болакай.
Чакалоклар ялт этиб унга карашди.
— Нега фойдаси йук?
— Чунки мен… — деди болакай ва бироз гапиришга тараддудланиб туриб, кейин боягина дунёдан кайтган кизга ишора килди. – унинг укасиман.
— Ростданми?
— Ха, куп утмай унинг онаси дунёга келтиради мени.
— Унда нега хафасан, ахир улар угил кутишяпти-ку.
— Ха, мен тугиламан. Лекин… лекин яшамайман.
— Нима учун?
— Чунки, дунёда хамма нарсанинг бир бадали бор, — деди бола бир нуктага тикилиб утириб, хурсиниб куяркан. – Шунака…
Хикоялар
Тугилмаган болалар сухбати