DO`STLARGA ULASHING:

Sharq xalqlari o’zlarining tansiq taomlari bilan nom qozonganlar. Ayniqsa, Hayit ayyomi dasturxoniga tortiladigan taomlar o’ziga xos o’ringa ega. Muqaddas kunda bekajonlar an’anaviy tarzda xamirdan qilinadigan mazali qovurma yeguliklar – Bo’g’irsoq, Qush tili, Chak-chak va Qovurma chuchvara tayyorlashadi. Ushbu shirinliklarni oson va tez pishirish sirlarini korzinka.uz retseptlar jamlanmasida bilib olishingiz mumkin.

 Bo’g’irsoq

Masalliqlar:

•            Un – 1 kg

•            Sut – 400 ml

•            Tuxum – 2 dona

•            Sariyog’ – 150 g

•            Shakar – 1 stakan

•            Tuz – ta’bga ko’ra

•            Qovurish uchun o’simlik yog’i – 1l

Tayyorlash usuli:

•          Shakar va tuzni sutda eritamiz, tuxumlarni chaqib sariyog’ solamiz. Aralashmani unga quyib qo’zg’aymiz. Xamirni paketga o’rab 30-40 daqiqa tin oldirishga qo’yamiz.

•           Xamirni bo’laklarga ajratamiz va oddiy yong’oq hajmida kesib chiqamiz. Xamirni chovli yoki to’r suzgichda biroz aylantiramiz.

•            Kerakli olov haroratida o’simlik yog’ida hamma tomonini qovurib olamiz

 Qush tili

Masalliqlar:

•         Un – 1 kg

•         Sut – 400 ml

•         Tuxum – 2 dona

•         O’simlik yog’i – 150 g

•        Shakar – 1 stakan

•        Tuz – ta’bga ko’ra

•          Qovurish uchun o’simlik yog’i – 1l

Tayyorlash usuli:

•            Shakar va tuzni sutda eritamiz, tuxumlarni chaqib sariyog’ solamiz. Aralashmani unga quyib qo’zg’aymiz. Xamirni paketga o’rab 30-40 daqiqa tin oldirishga qo’yamiz.

•        Xamirni ingichka qilib aylantirib maxsus rolikli kesgichda kichik to’rtburchaklar, romblar yoki uchburchaklar shaklida kesib chiqamiz.

•        Har bir romb o’rtasini pichoq bilan uzunchoq teshik qilib kesib qo’yamiz. Ayni shu joyidan keyinroq Qush tilining bir burchagini burab ochamiz.

•         Frityurda qovurib olamiz.

 Qovurma chuchvara

Masalliqlar. Xamirga:

•        Un – 500 g

•        Suv – 1 stakan

•       Tuxum – 1 dona

•        Tuz – 1 choy qoshiq

Ichiga qo’shishga:

•         Qo’y go’shti – 500 g

•        Oddiy piyoz– 400 g

•         Tuz – 1 choy qoshiq

•         Maydalangan garmdori – 0,5 choy qoshiq.

Tayyorlash usuli

•         Stakandagi iliq suvda choy qoshiqdagi tuzni eritib, tuxum qo’shamiz hamda yaxshilab aralashtiramiz. Mikser idishiga 500 g un sepib hosil bo’lgan suyuqlikni solamiz. Xamirni 10 daqiqa sekin-sekin yumalatamiz. Xamirni tindirish uchun 30-40 daqiqa idishda qoldiramiz.

•        Xamir tayyor bo’lgunicha chuchvaralar uchun qiyma tayyorlaymiz. Avvaliga go’sht va piyozni qiymalagichdan o’tkazamiz. Choy qoshiqda tuz va yarim choy qoshiq garmdori qo’shib yaxshilab aralashtiramiz.

•         Xamirni 1-1,5 mm qalinligidagi tasma qilib dumalatamiz. Tomonlaridan 5 sm kvadratchalar shaklida kesib chiqamiz. Har bir kvadratga yarim choy qoshiqda qiyma solib chuchvara tugamiz.

•        Chuchvaralarni uncha katta bo’lmagan miqdorlarda tillar rang olgunicha qizitilgan ko’p miqdordagi yog’da qovuramiz. Teshik kapgir bilan olamiz.

korzinka.uz