KLOAKA
KLOAKA (lot. cloaka — axlat chiqarish nayi) — umurtqali hayvonlar toʻgʻri ichagining tashqariga ochiladigan kengaygan qismi. Toʻgarakogʻizlilar (miksinlar, minogalar lichinkasi), baliqlar (akulalar, skatlar, ikki xil nafas oluvchilar), barcha suvda va quruqlikda yashovchilar, sudralib yuruvchilar, qushlar va kloakali sut emizuvchilarda Kloaka boʻladi. Koʻpchilik sut emizuvchi xayvonlarda Kloaka boʻlinib, siydik — jinsiy sinusni va toʻgʻri ichakning oxirgi qismini hosil qiladi. Kloakaga siydik yoʻli, jinsiy yoʻl, baʼzan siydik pufagi ochiladi. Kloaka bir qancha umurtqasizlar (hasharotlar, toʻgarak chuvalchanglarning erkagi, ogʻiz aylangichlilar)da boʻladi.
Ensiklopediya.uz
KLOAKA