ZOONOZLAR

ZOONOZLAR (zoo… va yun. nosos — kasallik) — faqat hayvonlar uchun xos boʻlgan, lekin hayvonlardan odamlarga yuqishi mumkin boʻlgan infeksion va invazion kasalliklar guruhi. Zoonozlarga oʻlat, kuydirgi, quturish, brutsellyoz va b. kiradi. Zoonozlarning qoʻzgʻatuvchilari evolyutsiya jarayonida ayrim hayvonlar organizmida tanlab rivojlanish xususiyatiga ega boʻlib, 3. odamlar jamoalarida tarqal-maydi, chunki odam organizmida 3. koʻzgʻatuvchilari oʻz rivojlanish siklini tamomlay olmaydi. Tibbiyot adabiyotlarida baʼzan hayvonlarning odamlarga oʻtadigan yuqumli va invazion kasalliklari ham 3. deb yuritiladi.