Ziyo.net badiiy kitoblar

Ўтказилган тадқиқотдан маълум бўлишича, панжара ортида саводхонлигини оширган жиноятчилар озодликка чиққанларидан сўнг бошқа жиноятчиларга нисбатан жиноятга 30 фоиз камроқ қўл урадилар.

Kitob o’qishning 21 foydasi haqida

Асабингизни тинчлантириш учун сайр қилиш ёки мусиқа тинглашни афзал кўрасизми? Сассекс университети олимлари эса бунинг ўрнига китоб ўқишни тавсия қилишади. Китоб ўқиш асабни тинчлантиришда энг самарали усул экан. Атиги олти дақиқа китоб ўқиш асабийлашишга барҳам беради.

Мутолаа уйқусизликдан қутулишга ёрдам беради.

Хотиржам бўлиш ва ухлашга ёрдам берадиган энг яхши усул китоб ўқишдир. Телевизор ёки телефондан тарқалаётган ёрқин нур мияга уйғониш кераклиги ҳақида сигнал юборади. Китоб ўқиш эса аксинча таъсир кўрсатади – мия ухлаш вақти бўлганлигини тушунади.

Мутолаа қалбни юмшатади.

Китоб ўқиш жараёнида ўқувчи қаҳрамонлар билан бирга бўлади. Уларнинг қувонч ва ташвишларига шерик бўлади. Тадқиқотлардан маълум бўлишича, бадиий асар ўқиган одам ҳаётда ҳам бошқаларнинг ҳис-туйғуларини яхши тушунар экан.

Мутолаа мия фаолиятини яхшилайди.

Эмори университети олимлари китоб ўқиган инсоннинг ақлий салоҳияти бир неча кун давомида юқори ҳолатда бўлишини исботлашди. Тадқиқот муаллифлари китоб ўқиш миядаги асаб толалари сонини оширишини таъкидлашмоқда.

Мутолаа тушкунликка қарши курашишга ёрдам беради.

Шотландиялик олимларнинг тадқиқотларига қараганда, китоб ўқиш тушкунликни даволашнинг энг самарали воситасидир. Тушкунликка чалинган беморлар китоб ўқишни бошлаганларидан сўнг уларнинг тушкунликка тушиш ҳолатлари камайган.

Мутолаа инсонни гўзаллаштиради.

Юқори даражадаги ақлий салоҳият инсоннинг ташқи кўринишини ҳам гўзаллаштиради. Ҳар қандай мавзуда қизиқарли суҳбат қура олиш ва ўз билимини намойиш этиш суҳбатдошининг меҳрини қозонишга ёрдам беради.

Мутолаа ҳаётдаги мақсадини англашга ва қийинчиликларни енгишга ёрдам беради.

Огайо штати университети олимлари инсон қанча кўп китоб ўқиса, ҳаёт йўлини шунчалик аниқ танлашини таъкидлашмоқда. Китоб ўқиш ҳаётдаги тўсиқларни енгишга ҳам ёрдам беради, дейишмоқда улар.

Китоб ўқийдиган инсонлар ҳаётда фаол бўлишади.

Санъат миллий жамғармаси томонидан ўтказилган тадқиқотлар китоб ўқийдиган инсонлар маданий ва ижтимоий ҳаётда ҳам фаол бўлишларини исботлади.

Мутолаа хотирани ва фикрлаш қобилиятини яхшилайди.

Ҳар сафар китоб ўқилганида мия фаол ишлайди. У олинаётган маълумотни сақлаш учун янги толаларни яратади. Тадқиқотларда аниқланишича, доимий равишда китоб ўқийдиган инсонларда фикрлаш қобилияти бошқаларга нисбатан секинроқ пасаяр экан.

Мутолаа сўз бойлигини оширади.

Китоб ўқиётган пайтда нотаниш сўзлар ҳам учраб қолади. Уларнинг маъносини умумий мазмуни орқали ҳам тушуниб олса бўлади. Китоб ўқиш нафақат сўз бойлигини кўпайтиради, балки умумий саводхонликни ҳам оширади.

Мутолаа ёзувчилик қобилиятини ривожлантиради.

Китоб ўқиш жараёнида муаллифнинг ёзиш услуби ҳам ўқувчига таъсир кўрсатади. Мусиқа тинглаш жараёнида мусиқачининг услуби тингловчига ўтгани сингари ёзувчининг услуби ҳам ўқувчининг ёзиш услубига таъсир ўтказади.

Мутолаа чет тилини ўрганишни осонлаштиради.

Доимий равишда китоб ўқиш бошқа тилларни ўрганишда янги сўзларни осон тушунишга ва ёдда сақлаб қолишга ёрдам беради.

Мутолаа тинглаш қобилиятини ривожлантиради.

Қанчалик ғалати туюлмасин, китоб ўқиш тинглаш қобилиятини оширади, бошқаларни осон тушунишга ёрдам беради. Бу айниқса, китобни овоз чиқариб ўқиганда янада самарали бўлади.

Мутолаа ижодкорлик қобилиятини ривожлантиради.

Обафеми Аволау университети педагоглари бошланғич синф ўқувчиларининг машғулотларига мавзули комиксларни киритишганида, суратлар ва сўзлар аралашмаси болаларнинг ижодкорлик қобилиятларини оширишини аниқлашди. Китоблар катталарга ҳам ана шундай таъсир кўрсатади.

Мутолаа Альцгеймер хасталигига чалинишнинг олдини олади.

Қатор тадқиқотлардан маълум бўлишича, кўп китоб ўқиган инсонлар Альцгеймер касаллигига камроқ чалинишар экан. Мия ҳам худди бошқа аъзолар сингари қўллаб-қувватлашга ва машқлар ёрдамида мустаҳкамланишга муҳтож бўлади. Китоб ўқиш эса бу борада энг самарали усулдир.

Биргаликда китоб ўқиш ота-оналар ва болаларнинг ўзаро муносабатларини яхшилайди.

Психологлар биргаликда китоб ўқиш жараёнида ота-оналар ва болалар ўртасида ўзига хос муносабат ўрнатилади деб ҳисоблашади. Уларнинг айтишларича, бундай муносабат биргаликда телевизор кўрганда асло пайдо бўлмайди.

Мутолаа молиявий қийинчиликларни бартараф этишда ёрдам беради.

Статистика маълумотларига кўра, умуман китоб ўқимайдиган инсонларнинг 43 фоизи қашшоқликда яшайди. Саводли инсонлар орасида эса қашшоқликда яшайдиганлар 4 фоизни ташкил этади.

Кўп китоб ўқийдиган болалар дарсларни яхши ўзлаштиришади.

Тадқиқотларда аниқланишича, китоб ўқишни хуш кўрадиган болалар мактабда ҳам яхши ўқишади. Улар грамматикани ҳам, математикани ҳам яхши ўзлаштиришади.

Мутолаа жиноятчиликнинг олдини олади.

Ўтказилган тадқиқотдан маълум бўлишича, панжара ортида саводхонлигини оширган жиноятчилар озодликка чиққанларидан сўнг бошқа жиноятчиларга нисбатан жиноятга 30 фоиз камроқ қўл урадилар.

Мутолаа яхши ҳикоягўйга айлантиради.

Инсон китобни қанча кўп ўқиса, ҳикоя қилиш қобилияти шунчалик ошади. Кераксиз гапларни камроқ гапириб, кераклиларини яхшироқ етказадиган бўлади.

Мутолаа яхшилик қилишга ундайди

Фаол китобхонлар хайрия ишлари билан бошқаларга нисбатан уч марта кўпроқ шуғулланишади. Мутолаа муҳтож инсонларга ёрдам қўлини чўзишга ундайди.

Hammamiz kitob o’qishning foydali ekanligini eshitganmiz. Lekin uning foydaliligi aynan nimada? “AdMe.ru” kitob o’qishning foydaliligi borasidagi tadqiqotlar natijalarini e’lon qildi.

KITOB O’QISHNING 21 FOYDASI HAQIDA

Mutolaa asabni tinchlantiradi.

Asabingizni tinchlantirish uchun sayr qilish yoki musiqa tinglashni afzal ko’rasizmi? Sasseks universiteti olimlari esa buning o’rniga kitob o’qishni tavsiya qilishadi. Kitob o’qish asabni tinchlantirishda eng samarali usul ekan. Atigi olti daqiqa kitob o’qish asabiylashishga barham beradi.

Mutolaa uyqusizlikdan qutulishga yordam beradi.

Xotirjam bo’lish va uxlashga yordam beradigan eng yaxshi usul kitob o’qishdir. Televizor yoki telefondan tarqalayotgan yorqin nur miyaga uyg’onish kerakligi haqida signal yuboradi. Kitob o’qish esa aksincha ta’sir ko’rsatadi – miya uxlash vaqti bo’lganligini tushunadi.

Mutolaa qalbni yumshatadi.

Kitob o’qish jarayonida o’quvchi qahramonlar bilan birga bo’ladi. Ularning quvonch va tashvishlariga sherik bo’ladi. Tadqiqotlardan ma’lum bo’lishicha, badiiy asar o’qigan odam hayotda ham boshqalarning his-tuyg’ularini yaxshi tushunar ekan.

Mutolaa miya faoliyatini yaxshilaydi.

Emori universiteti olimlari kitob o’qigan insonning aqliy salohiyati bir necha kun davomida yuqori holatda bo’lishini isbotlashdi. Tadqiqot mualliflari kitob o’qish miyadagi asab tolalari sonini oshirishini ta’kidlashmoqda.

Mutolaa tushkunlikka qarshi kurashishga yordam beradi.

Shotlandiyalik olimlarning tadqiqotlariga qaraganda, kitob o’qish tushkunlikni davolashning eng samarali vositasidir. Tushkunlikka chalingan bemorlar kitob o’qishni boshlaganlaridan so’ng ularning tushkunlikka tushish holatlari kamaygan.

Mutolaa insonni go’zallashtiradi.

Yuqori darajadagi aqliy salohiyat insonning tashqi ko’rinishini ham go’zallashtiradi. Har qanday mavzuda qiziqarli suhbat qura olish va o’z bilimini namoyish etish suhbatdoshining mehrini qozonishga yordam beradi.

Mutolaa hayotdagi maqsadini anglashga va qiyinchiliklarni yengishga yordam beradi.

Ogayo shtati universiteti olimlari inson qancha ko’p kitob o’qisa, hayot yo’lini shunchalik aniq tanlashini ta’kidlashmoqda. Kitob o’qish hayotdagi to’siqlarni yengishga ham yordam beradi, deyishmoqda ular.

Kitob o’qiydigan insonlar hayotda faol bo’lishadi.

San’at milliy jamg’armasi tomonidan o’tkazilgan tadqiqotlar kitob o’qiydigan insonlar madaniy va ijtimoiy hayotda ham faol bo’lishlarini isbotladi.

Mutolaa xotirani va fikrlash qobiliyatini yaxshilaydi.

Har safar kitob o’qilganida miya faol ishlaydi. U olinayotgan ma’lumotni saqlash uchun yangi tolalarni yaratadi. Tadqiqotlarda aniqlanishicha, doimiy ravishda kitob o’qiydigan insonlarda fikrlash qobiliyati boshqalarga nisbatan sekinroq pasayar ekan.

Mutolaa so’z boyligini oshiradi.

Kitob o’qiyotgan paytda notanish so’zlar ham uchrab qoladi. Ularning ma’nosini umumiy mazmuni orqali ham tushunib olsa bo’ladi. Kitob o’qish nafaqat so’z boyligini ko’paytiradi, balki umumiy savodxonlikni ham oshiradi.

Mutolaa yozuvchilik qobiliyatini rivojlantiradi.

Kitob o’qish jarayonida muallifning yozish uslubi ham o’quvchiga ta’sir ko’rsatadi. Musiqa tinglash jarayonida musiqachining uslubi tinglovchiga o’tgani singari yozuvchining uslubi ham o’quvchining yozish uslubiga ta’sir o’tkazadi.

Mutolaa chet tilini o’rganishni osonlashtiradi.

Doimiy ravishda kitob o’qish boshqa tillarni o’rganishda yangi so’zlarni oson tushunishga va yodda saqlab qolishga yordam beradi.

Mutolaa tinglash qobiliyatini rivojlantiradi.

Qanchalik g’alati tuyulmasin, kitob o’qish tinglash qobiliyatini oshiradi, boshqalarni oson tushunishga yordam beradi. Bu ayniqsa, kitobni ovoz chiqarib o’qiganda yanada samarali bo’ladi.

Mutolaa ijodkorlik qobiliyatini rivojlantiradi.

Obafemi Avolau universiteti pedagoglari boshlang’ich sinf o’quvchilarining mashg’ulotlariga mavzuli komikslarni kiritishganida, suratlar va so’zlar aralashmasi bolalarning ijodkorlik qobiliyatlarini oshirishini aniqlashdi. Kitoblar kattalarga ham ana shunday ta’sir ko’rsatadi.

Mutolaa Al`tsgeymer xastaligiga chalinishning oldini oladi.

Qator tadqiqotlardan ma’lum bo’lishicha, ko’p kitob o’qigan insonlar Al`tsgeymer kasalligiga kamroq chalinishar ekan. Miya ham xuddi boshqa a’zolar singari qo’llab-quvvatlashga va mashqlar yordamida mustahkamlanishga muhtoj bo’ladi. Kitob o’qish esa bu borada eng samarali usuldir.

Birgalikda kitob o’qish ota-onalar va bolalarning o’zaro munosabatlarini yaxshilaydi.

Psixologlar birgalikda kitob o’qish jarayonida ota-onalar va bolalar o’rtasida o’ziga xos munosabat o’rnatiladi deb hisoblashadi. Ularning aytishlaricha, bunday munosabat birgalikda televizor ko’rganda aslo paydo bo’lmaydi.

Mutolaa moliyaviy qiyinchiliklarni bartaraf etishda yordam beradi.

Statistika ma’lumotlariga ko’ra, umuman kitob o’qimaydigan insonlarning 43 foizi qashshoqlikda yashaydi. Savodli insonlar orasida esa qashshoqlikda yashaydiganlar 4 foizni tashkil etadi.

Ko’p kitob o’qiydigan bolalar darslarni yaxshi o’zlashtirishadi.

Tadqiqotlarda aniqlanishicha, kitob o’qishni xush ko’radigan bolalar maktabda ham yaxshi o’qishadi. Ular grammatikani ham, matematikani ham yaxshi o’zlashtirishadi.

Mutolaa jinoyatchilikning oldini oladi.

O’tkazilgan tadqiqotdan ma’lum bo’lishicha, panjara ortida savodxonligini oshirgan jinoyatchilar ozodlikka chiqqanlaridan so’ng boshqa jinoyatchilarga nisbatan jinoyatga 30 foiz kamroq qo’l uradilar.

Mutolaa yaxshi hikoyago’yga aylantiradi.

Inson kitobni qancha ko’p o’qisa, hikoya qilish qobiliyati shunchalik oshadi. Keraksiz gaplarni kamroq gapirib, keraklilarini yaxshiroq yetkazadigan bo’ladi.

Mutolaa yaxshilik qilishga undaydi

Faol kitobxonlar xayriya ishlari bilan boshqalarga nisbatan uch marta ko’proq shug’ullanishadi. Mutolaa muhtoj insonlarga yordam qo’lini cho’zishga undaydi.

(Tashriflar: umumiy 31 096, bugungi 3)

O’xshash maqolalar.

Mashur asarlardan ostiga chizilgan jumlalar

05 Апр, 2022

Xurshid Davron. Har bir kitobda tiriklikning nafasi bor & Xurshid Davron «Mening kutubxonam» ko’rsatuvida

08 Май, 2021

Mirzohid Muzaffar. Zax bosgan bolalik

03 Дек, 2019

Mahmud Sa’diy. Hayotimda o’zgarish yasagan kitoblar & Mahmud Sa’diy «Men bilgan haqiqatlar» teledasturida

11 Июл, 2019

Xurshid Do’stmuhammad. Kitobxonlik — kundalik hayot va turmush tarzi & Ikki kitob

07 Май, 2019

17 izoh

Ҳа,китоб ўқишда гап ҳам, ҳикмат ҳам кўп. Мен бир олима сифатида олим мутолаа билан олим, зиёли мутолаа билан зиёли, деган ўз дастуримга эгаман, дастурим асосида китоб мутолаа қиламан. Мазкур илмий, назарий, ҳаётий асосга эга 21 қоида учун сайтга РАҲМАТ!Яна ўзим учун кўп фойдалар топдим.

Ha,kitob o’qish foydali.Kitob o’qiganimda meni qiziqtirayotgan ko’pgina jumboqlarga javob topgandek bo’laman,o’zimga ishonchim ortadi

Albatta kitob insonning Eng yaqin Dusti

Ha tog’ri kitob insoni har taraflama chiniqtiradi va tarbiyalaydi lekin kitobxon bilishi kerak bo’lgan narsa shukiy inson yani (haqiqiy kitobxon) kitobni kitob Unga foyda keltirishi uchun emas aksincha u xayotdan izlayotgan barcha savolariga javob, Kimlargadir Ota Ona sidan kora olmayotgan mehrni hech bo’lmagandan kitob oqish orqali sezish , yana Kimlargadir sinfdosh dostlari orasida bilimdonga chiqib qolgan bolalarga dostdir, yana Kimlargadir esa pul topish, oqishga kirishda kerak bo’ladigan vosita bo’lib qolmasliki kerak lekin bu insoni «Al’tsgeymer xastaligiga chalinmaslik, tinglash qobilyatini oshirish, muoliyavi qiyinchilikni yoki uyqisizlikni bartaraf kilish uchunxamas inson xayotni chunib yetishidagi asosiy narsadir bu tanqiydi fikirlarim uchun uzur xayoti asosga ega 21 qoyda uchun raxmat shu 21 qoydadan menga yoqani mutolaa yozuvchanlik qobilyatini oshirishi man bunga 100% qoshilaman haqiqatdanham odam onasini qornidan olim yoki shoir bo’lib chiqmidiyu Buyuk bobomiz xazrati Mir Alisher Navoiy ham o’z asarlarini necha minglab kitoblarni mutolaa qilubon yoza boshlagan. Ha aytgancha imlo xato kop qilib turaman ahamyat bermisizlar degan umidaman man hozi18 yoshdam hali kitob togrisida fikir yuritadigan darajada bilimim yoq xato fikirlarim bolsa iltimos yozivoringlar bopti hayr .91 434 19 12 telim.

Китоб инсони яхшиликка етаклайди. Инсон қанча куп китоб ӯқиса шунча маънавият ошиб бораи. Ҳаммага китоб ӯқишни тавсия қиламан. Китоб ҳақидаги билдирилган фикрлар учун раҳмат. Китоб ӯқимагаг одамнинг ҳам, миллатнинг ҳам келажаги йӯқ.
Ш. Мирзиёев

Ziyo.net badiiy kitoblar

nomidagi nashriyot-matbaa ijodiy uyi

Комил инсон китоби

Ушбу нодир асар бутун Шарқ тасаввуф аҳли ва унинг назариётчилари орасида бағоят машҳурдир. Аммо уни яхши англаш, теран тушуниш учун алоҳида салоҳият ҳамда тайёргарлик лозим. Китобда Аллоҳ таолонинг қудрати, одам ва олам, коинот, ақл ҳамда шайтону фаришталар, дарвешлик одобию мақомлари…

Эркин Воҳидовнинг имзоси

Ушбу рисоланинг муаллифи, аслида мен эмас, Ўзбекистон қаҳрамони, халқимизнинг ардоқли шоири Эркин Воҳидов. Мутола якунида бунга ўзингиз ҳам бунга амин бўласиз. Менинг ишим – умрини Ватан саодати йўлига бағишлаган мутафаккир ватандошимиз ҳақидаги ҳаётнинг бугунги шиддати ёки бошқа сабаб боис, ёддан…

Кеча ва кундуз

Чўлпон асарлари мудроқ халқни Тонг юлдузи каби уйғотишга даъват этади. Адибнинг «Кеча ва кундуз» романида халқнинг ғафлат уйқусида ётган бир ҳолати Раззоқ сўфи, Қурвонбиби, Эшонбобо мингбоши, Мирёқуб ва албатта, Зеби образлари орқали ёрқин тасвир этилган. «Кеча ва кундуз» кишини ўйга толдирадиган,…

Дақиқ дақиқалар

Журналист Ғайрат Шералиевнинг илк китобидан бадиий ҳаёт номаларида ўзига замондош бўлган қаҳрамонларни ҳаётдаги оддий бир одамдан пишиқ-пухта бадиий образга айлантиришга, кулиб ўқиладиган жумлалар қатига жиддий муаммоларни сингдиришга ҳаракат қилган. Публицистик лавҳалари эса тилининг жозибаси, фикрий салмоғи ва образли мушоҳадалари…

Виждон қўнғироғи

Ўзбек ҳажвий адабиёти ривожига улкан ҳисса қўшган таниқли адиб, беназир инсон, Ўзбекистон халқ ёзувчиси Неъмат Аминовнинг серқирра ижоди ва ибратли ҳаёти ҳақида ёзилган ушбу маърифий-ҳужжатли китоб икки қисимдан иборат. Биринчи қисмида ёзувчининг тартибли, ибратли ва ёрқин ҳаёти, яратган асрлари, уларнинг…

Гулистон Бўстон

Беназир шоир ва мутафаккир Саъдий бадиий ижодда ўз мактабини ярата олган адибдир. Юз йилдан ортиқ умр кўрган Саъдий ўз даврининг барча билимларини чуқур эгаллаб, юрт кўриб, халқ орасида юриб, чинакам олим, мураббий, инсонпарвар адиб бўлиб етишди. Саъдий ўз ҳикояларида бошқа Шарқ мутафаккирлари сингари халқ фаровонлиги, юрт…

Оталар сўзи ёхуд «минг маржондан бир маржон

Эътиборингизга ҳавола этилаётган мазкур дурдона халқ афсоналари, халқ ривоятлари ва халқ нақлларининг энг саралари жамланган. Улар Нурмомо ёки Элнафас оқин тилидан баён қилинсада, бизнинг тасаввуримизда яхлит бадиий асар сифатида намоён бўлади. Ёзувчи Йўлдош Муқимов турли-туман мавзулардаги эл орасида сочилиб ётган бадиият намуналари…

Изтироб

Ёритилган ҳикоялар ва «Изтироб» қиссасида ўтган мустабид тузум даврида меҳнаткаш Ўзбек халқининг бошидан кечирган адолатсизликлар қаламга олинган. Айниқса мамлакатнинг бошига ёприлган, ўйлаб чиқарилган сохта «Пахта иши» можаролари аниқ-равшан далиллар билан китобхонлар ҳукмига ҳавола қилинади.

Осмон Оғуши

Замонамизнинг серқирра ижодкори Абдуқаюм Йўлдошевнинг «Осмон оғуши» Асарида мактаб ўқувчисининг Жиззах чўлларида буғдой қўриқлаб, пахта териб юрган йилларидаёқ учувчи бўлиш орзусининг амалга ошиши қаламга олинган. Асар қаҳрамони минг бир қаршиликка қарамасдан мақсади сари дадил одимлаши ва вақт етиб ўзи орзу…

Титраётган тоғ

Луқмон Бўрихоннинг «Титраётган тоғ» асарида йигирма биринчи асрнинг биринчи ўн йиллигидаги мўъжизаси «Тошкент – Қумқўрғон» темир йўл қурилиши жараёнидаги воқеа ҳодисаларга бадиий бўёқлар орқали ёритилган.