DO`STLARGA ULASHING:

Aktrisa   Zebiniso Xoliqova 1992 yil 14 yanvar sanasida Toshkent shahrida aktrisa Muqaddas Xoliqova va Adhamjon Xoliqovlar oilasida tavallud topgan. 

U oilasida 3 qizning o’rtanchasi.

Zebiniso opasi va singlisidan farqli  onasi kabi aktrisalik yo’lini tanlagan va  O’zbekiston Davlat san’at va madaniyat oligohida tahsil olgan.

U o’z faoliyatini  2013 yildan O’zbek Milliy Akademik drama teatrida boshlagan.Hozirgi kunda ham u ushbu teatrda faoliyat yuritadi.

Zebiniso Xoliqova ushbu teatrdagi faoliyati davomida bugungacha o’nga yaqin spektakllarda turfa obrazlarni yaratgan. 

Ushbu aktrisa teatr bilan bir qatorda televideniyeda namoyish etiladigan  «Otalar so’zi», «Dengizdan tomchi», «Qishloqda bir kun» kabi ko’rsatuvlarda ham doimiy ishtirok etib keladi.

Zebiniso Xoliqova hali turmushga chiqmagan.

Bugungi kunda u o’zining aktrisalik faoliyatini muvaffaqiyatli davom ettirib kelmoqda.