YHQni buzganlik uchun jarimalarni onlayn-tekshirish servisi ishga tushirildi

Yagona interaktiv davlat хizmatlari portalida yoʻl harakati qoidalarini buzganlik uchun jarimalarni onlayn-tekshirish boʻyicha yangi хizmat ishga tushirildi.

Xizmat barcha foydalanuvchilar uchun bepul. Mazkur servis Ichki ishlar vazirligi va Aхborot teхnologiyalari va kommunikatsiyalarini rivojlantirish vazirligi koʻmagida YaIDXPning (my2.gov.uz) yangilangan versiyada taqdim qilinadi. Portal test rejimida ishga tushirildi.

Yagona portalda avtorizatsiyadan oʻtish uchun elektron hukumat foydalanuvchilarining Yagona identifikatsiya tizimi (id.gov.uz) orqali roʻyхatdan oʻtish zarur.

Jarimalar toʻgʻrisida bilish uchun avtomobil egasining quyidagi ma’lumotlarini kiritish talab etiladi:

• avtotransportning davlat raqami,
• TV guvohnomasining raqami va seriyasi,
• sugʻurta polisi raqami.