VAQTINCHA SUGʻORISH SHOXOBCHASI haqida malumot bilib oling.

VAQTINCHA SUGʻORISH SHOXOBCHASI — tuproq shoʻrini yuvish, yaxob berish va ekinlarni sugʻorish maqsadida ochiladigan muvaqqat ariq. V. s sh. suvni suv taqsimlagichdan sugʻoriladigan dalagacha yetkazib beradi. U kech kuzda, qishda, erta koʻklamda pol olgich va ariq qazigich mashinalari yordamida ochiladi. Dala nishabi va tuproq sharoitiga qarab, Vaqtincha sugʻorish shoxobchasi turli uzunlikda olinadi, shoʻr yuvilgandan, yaxob berilgandan keyin, shuningdek hosilni yigʻish oldidan koʻmib yuboriladi.