VAHOBOVA Oʻktam Karimovna haqida malumot bilib oling.

VAHOBOVA Oʻktam Karimovna (1928.25.10, Margilon) — terapevt-kardiolog. Oʻzbekistonda xizmat koʻrsatgan fan arbobi (1980); tibbiyot fanlari d-ri (1972), prof. (1973). Samarqand davlat tibbiyot in-ti pediatriya f-ti ichki kasalliklar kafedrasi mudiri (1973-y. dan), in-t prorektori (1961 — 66), rektori (1966—81), 1987-y. dan terapiya kafedrasi mudiri. Toshkent davlat tibbiyot in-ti prorektori (1982 — 86). Ilmiy ishlari yurak-tomir kasalliklari: yurakning ishemik kasalligi, gipertoniya va aterosklerozning epidemiologiyasi, klinikasi va zamonaviy davolash usullari, shuningdek uglevodlar va lipidlar almashinuvining biokimyoviy koʻrsatkichlarini aniqlashga oid. «Elyurt xurmati» ordeni bilan mukofotlangan (1998).