DO`STLARGA ULASHING:

UKAJONIM

Oyni quchgim kelsa, narvonim bo‘lgan,
Og‘ir yuklarimga karvonim bo‘lgan,
Boshimni yo‘qotsam sarbonim bo‘lgan,
Qadri osmonlarga teng bo‘lgan ukam.

O‘ziga dard kelsa ko‘nib ketadi,
Mening dardim uchun sinib ketadi,
Quchsam dadam isi kelib ketadi,
Dadam kabi ko‘ngli keng bo‘lgan ukam.

Tomiri tutashgan tomirlarimga,
Hamroxim bolalik davrlarimga
Yagona muxlisim ilk sherlarimga
Yuzlar ichra o‘zi ming bo‘lgan ukam

Borsam quchog‘ini ochib turadi,
Mexrin yo‘llarimga sochib turadi,
Quvonib, osmonga uchib turadi,
O‘n besh qorong‘uda kun bo‘lgan ukam.

Yuragi osmondek, mehrichi — dengiz,
Jigarlar birlashgan joyi bir ildiz,
Har nedan qadrlim, har nedan aziz,
Qadri osmonlarga teng bo‘lgan ukam.
Dadam kabi ko‘ngli keng bo‘lgan ukam

Saqlab oling va yaqinlarga xam ulashing!