Toshkent shahridagi maktablarning birida 11-sinf o‘quvchisi sinfdoshini pichoqlab qo‘ydi

Тошкентда синфдошлар ўртасида келиб чиққан жанжал пичоқбозлик билан тугади. Бу ҳақда Бош прокуратура матбуот котиби Ҳаёт Шамсутдинов хабар берди.

11 синф ўқувчиси синфдошини пичоқлаб қўйди

Уч нафар синфдошлар ўртасида жанжал келиб чиққан. 17 ёшли йигитга нисбатан жиноят иши қўзғатилди.

Тошкентда синфдошлар ўртасида келиб чиққан жанжал пичоқбозлик билан тугади. Бу ҳақда Бош прокуратура матбуот котиби Ҳаёт Шамсутдинов хабар берди.

Жорий йилнинг 21 февраль куни соат тахминан 11:20 ларда Тошкент вилояти Янгийўл туманида яшовчи 2006 йилда туғилган М.А. аввалги ўқиган мактаби — Чилонзор туманидаги 162-сонли мактабга баҳолар табелини олиш мақсадида келган.

М.А. синфдошлари билан ўтирган вақтида синфдоши 2005 йилда туғилган Р.И. М.А.ни ташқарига чиқишини айтган, чиққандан сўнг мактабга “нега мени рухсатимсиз келасан”, деб зўравонлик қилиб, унга тарсаки туширган.

Шу пайт М.А.нинг ўртоғи 2005 йилда туғилган С.А. уларни ажратмоқчи бўлган вақтида Р.И. уни ҳам урган. Шундан сўнг, С.А. ёнида бўлган пичоқ билан Р.И.нинг қорин қисмига тан-жароҳат етказган. Р.И. тан жароҳати билан шифохонага ётқизилган.

Қайд этилишича, Р.И.га “Қорин олд деворини тешиб кирувчи кесилган-санчилган жароҳати” ташхиси қуйилган.

Мазкур ҳолат бўйича С.А.га нисбатан ЖКнинг 104-моддаси (Қасддан баданга оғир шикаст етказиш) 2-қисми “л” банди билан жиноят иши қўзғатилиб, дастлабки тергов ҳаракатлари олиб борилмоқда.

Toshkent shahridagi maktablarning birida 11-sinf o‘quvchisi sinfdoshini pichoqlab qo‘ydi

Joriy yil 21-fevral kuni Toshkentda 11-sinf o‘quvchisi sinfdoshini pichoqlab qo‘ydi. Bu haqda Bosh prokuratura matbuot kotibi Hayot Shamsutdinov “Uzreport.news”ga ma’lum qildi.

Qayd etilishicha, Toshkent shahrida joylashgan 162-sonli maktabda o‘qib ketgan, hozirda Zangiota tumanida o‘qiyotgan M.A. baholar tabelini olish maqsadida avvalgi maktabiga kelgan.

M.A. maktabda sobiq sinfdoshlari bilan o‘tirgan vaqtida 11-“V” sinf o‘quvchisi R.I. unga tashqariga chiqishini aytgan, chiqqandan so‘ng maktabga “nega meni ruxsatimsiz kelasan” deb zo‘ravonlik qilgan. U M.A.ga tarsaki tushirgan va shu payt o‘rtog‘i S.A. ularni ajratmoqchi bo‘lganida uni ham urgan.

S.A. yonida bo‘lgan pichoq bilan sinfdoshi R.I.ning qorin qismiga jarohat yetkazgan va shundan so‘ng tez tibbiy yordam chaqirtirilgan.

Respublika shoshilinch tez yordam ilmiy markazining ma’lumotnomasiga ko‘ra, R.I.ga qorin old devorini teshib kiruvchi kesilgan-sanchilgan jarohati tashxisi qo‘yilgan.

Mazkur holat bo‘yicha S.A.ga nisbatan Jinoyat kodeksining 104-moddasi 2-qismi “l” bandi bilan jinoyat ishi qo‘zg‘atilib, dastlabki tergov harakatlari olib borilmoqda.