DO`STLARGA ULASHING:

• Tomoq og‘rig‘ini qoldirish maqsadida bir stakan suvga bir choy qoshiq ichimlik sodasi, to‘rt qoshiq tuz, to‘rt tomchi yod tindirmasi (yod nastoykasi) solib aralashtiriladi va og‘izga solib g‘arg‘ara qilinadi.

• Yerqalampir ildizlarini maydalab undan damlama tayyorlanadi. So‘ng u bilan tomoq chayilib g‘arg‘ara qilinadi.

• Xantal (gorchitsa) suvi bilan og‘iz bo‘shlig‘i g‘arg‘ara qilinadigan bo‘lsa, tomoq og‘rig‘idan forig‘ bo‘linadi.

• Nilufar ildizidan ozginasini og‘zingizga solib tursangiz ham tomoq og‘rig‘idan qutulasiz.

• Maymunjon barglaridan 4 choy qoshiq olib, uning ustiga 2 stakan qaynoq suv solib, idishning qopqog‘i yopilgan holda bir soat davomida damlanadi. Iliq holida sharbatdan yarim piyola miqdorida to‘rt mahal ichiladi.

• Bir chimdim achchiqtosh suvda eritilib, iliq holda tomoq g‘arg‘ara qilib turilsa, tez orada tomoq og‘rig‘i to‘xtaydi.

• Tomog‘i og‘riganda bemor moychechak (romashka) hamda qoncho‘p (chistotel) aralashmasidan quyuq damlama tayyorlab, iliq holda og‘izni chayib, g‘arg‘ara qilib tursa, tomoq og‘rig‘i butunlay to‘xtaydi.

• Sarimsoqning bosh piyozini bir kecha – kunduz sirkada ho‘llab, o‘sha sirka bilan g‘arg‘ara qilsangiz ham bu darddan darrov qutulasiz.

• Marjon daraxtining barglarini qaynatib, g‘arg‘ara qilinsa yaxshi foyda beradi.

• Bosh piyozning maydalangan quruq po‘stlog‘idan 3 choy qoshiq olib, 1 stakan qaynoq suv bilan 4 soat damlanib keyin suzilib, sharbati bilan og‘iz chayilib, g‘arg‘ara qilinsa tomoq og‘rig‘idan qutuladi.

• Murtak bezlari yallig‘lanish arafasida bo‘lsa, tozalangan kerosinga paxta pilikchasini namlab, tomoqqa har yarim soatda surtib turiladigan bo‘lsa, bir kunda darddan forig‘ bo‘ladi.

• Anjirni suvda qaynatib, suvi bilan g‘arg‘ara qilinsa, til shishlarini yo‘qotadi.

• Anjir mevalarining qaynatmasidan ichib turilsa, murtak bezlarining yallig‘lanishiga xotima beradi.

• 1 qoshiq borat kislotasini 1 stakan suvda eritib, iliq holda tomoq g‘arg‘ara qilib turilsa, tez orada tomoq og‘rig‘i to‘xtaydi.

• Sunbulni qaynatib, suvi bilan og‘iz chayilsa, og‘iz ichidagi yara – chaqalarni tuzatadi.

• Agar og‘zingig‘da yomon hid bo‘lsa, sarimsoq va qalampirmunchoqni ezib, asalga aralashtirib iste’mol qiling.

soglom.uz/tavsiya/tomoq-ogrigini-bartaraf-etish-uchun-oddiy-muolajalar/