TOGʻCHUMCHUQ

TOGʻCHUMCHUQ, sariqtomoq chumchuq (Petronia petronia) — chumchuqsimonlar turkumi toʻqimachilar oilasiga mansub kush. Kattaligi va rangi dala va choʻl chumchugʻining modasiga oʻxshash, faqat dum patida oq, boʻynida sariq xoli boʻlishi bilan farq qiladi. Ogʻirligi 30—36 g. T. Jan. Yevropa, Osiyo va Shim. Afrikadatarqalgan. Togʻ qoyalarida, tuproqli va toshli jarliklarda yashaydi. Uyasini qoyalarga, tosh uyumlari orasiga va b. joylarga quradi. 4—6 ta tuxum qoʻyadi. Qishda togʻdan vodiyga koʻchadi. Hasharotlar, oʻsimlik urugʻlari va mevalari bilan oziqlanadi.

Ensiklopediya.uz
TOGʻCHUMCHUQ