Tish og’rig’idan qutulish yo’llari

Tish og’rig’i kasalligi

1. Gazak o’ti yanchiladi va yupqa paxtaga o’rab, tish bilan labning orasiga tutib turiladi, shunda og’riq qoladi.
2. Agar zarcho’baning ildizini yanchib, paxtaga o’rab tishga qo’yilsa, tishni og’riqsiz qo’poradi. Sug’urib olishga hojat qolmaydi. Agar og’riq kuchayib qolsa, bodring ildizini tishning ostida tutib turilsa, 10 daqiqada og’riqlar ketadi.
3. Agar xurmo g’o’rasining qaynatmasi bilan og’iz chayilsa, tish ildizida qon kelmaydi va qon kelishini to’xtadadi. Agar sherolchin chaynalsa, og’izdan yomon hidlar kelmaydi.
4. Kishining tishi chiriyotgan bo’lsa, shaftoli bargini quritib, talqonini ozroq paxtaga o’rab, uni og’izda 15 daqiqa ushlab turish kerak. Shunday qilib bir necha marta takrorlansa, chirish to’xtaydi. Agar turpni maydalab 40 minut qaynatisa va asal bilan qo’shib yeyilsa, balg’amni yo’qotadi hamda og’izdan suv oqishini to’xtatadi.

Tish og’rig’i kasalligi, qutulishning yana qanday yo’llari bor:

1. Tish og’rig’i issiqdan yuz bersa, uning belgisi sovuq suvdan roxat topishdandir. Davosi: sirkaga gulob qo’shib, og’izda 12 daqiqa ushlab turib tashlansa, og’riq daf bo’ladi (3 kun 3 mahaldan g’ar-g’ara qilish lozim).
2. Tish og’rig’i sovuqdan yuz bersa, uning belgisi issiq narsalardan naf ko’rish, sovuq narsalardan zarar topishdandir. Davosi: zanjabil, murch, nazla o’ti yoki xantal kabilarning birontasini tuyib, elab, o’shancha miqdorda tuz qo’shib, og’rigan tishga sepib qo’yiladi. Yoki zanjabil va murchdan tengma-teng olib, chala tuyib, qaynatiladi va dokadan o’tkaziladi. So’ng 12 daqiqa bir qoshig’ini og’izda tutib tashlansa, og’riqdan xolos etadi (5 kun 3 mahal).

Hoji Mengnazar Rustam o’g’lining “Dard borki, darmon bor” kitobidan