TAUER
TAUER, Toyer (ing. tower — minora) — Londonning sharqiy qismida, Temza daryosi boʻyida joylashgan qasrqalʼa. Tauerning eng qad. kismi — «Oq minora» Vilgelm I Fotih davrida (taxm. 1078—85) qurilgan. Tauer 17-a. gacha qirol qarorgohidan biri boʻlib xizmat qilgan. Bu yerda (1820-y. gacha) davlatning bosh turmasi joylashgan; T. da koʻplab oliy mansabdor shaxslar (Genrix VI va Eduard V ukasi Richard bilan, Tomas Mor, T. Kromvel, Genrix VIII ning xotinlari — Anna Boleyn va Yekaterina Govard va b.) xufiyona ravishda oʻldirilgan. Keyinchalik, bu yerda qurolaslaha ombori (arsenal), kazarmalar joylashgan; hozirda — muzey (qad. qurollar va jazolash asboblari, qirol xonadoniga tegishli qimmatbaho buyumlar majmuasi va b.).
Ensiklopediya.uz
TAUER