DO`STLARGA ULASHING:

Farqi yoʼq. Testga kirgan boʼlsa, kifoya. 1 ball olgan boʼlsa ham, super-kontraktda oʼqishi mumkin. Faqat narxi baliga qarab farq qiladi.

Super-kontrakda oʼqishni xohlaganlar qachongacha ariza berishi kerak?

Eng avvalo aytish kerakki, hali super-kontrakt uchun arizalar qabul qilinmayapti. Ertagayoq OTMga yugurib borishingiz shart emas. Аrizani sentyabr oyida, oʼqishlar boshlangach ONLАYN berasiz.

Аrizalar 1-oktyabrga qadar qabul qilinadi. Kim birinchi ariza bersa, oʼsha birinchi qabul qilinadi, degan qoida yoʼq. Talabgorlar toʼplangan ballga qarab tartibga solinadi, yaʼni avval yuqori ball toʼplaganlarga imkon beriladi. Shu sababli shoshib, hovliqib yugurib yotmang.

Аriza berish uchun OTMga borish kerakmi?

Yoʼq. 3 yildan buyon super-kontrakt uchun arizalar onlayn qabul qilinadigan boʼldi. Siz uyingizdan chiqmagan holda internet orqali ariza yuborasiz. Buning uchun OTMga kelish, kimnidir kabinetida navbat kutish, kimlargadir iltimos qilish shartmas. Аriza qabul qilinadigan sayt ishga tushgach, qoʼshimcha xabar qilinadi.