STENOGRAFIYA

STENOGRAFIYA (yun. stenos — tor, siqiq, qisqa va… grafin) — qisqartirilgan tezkor yozish usuli va shunday yozuv; alohida qisqa belgilarning mavjudligi, soʻz unsur (qism)larini qisqartirish yoki yozmay tashlab ketish, soʻzlar va soʻz birikmalarini qoʻshib yozish Stenografiyaning asosiy belgilaridir. Stenografiya ogʻzaki nutqni sinxron (nutq jarayonida) yozib olish hamda yozuv texnikasini takomillashtirishga imkon beradi. Stenografik yozuv tezlik boʻyicha oddiy yozuvdan 4—7-marta ustunrokdir. Stenografiya juda qad. zamonlardan maʼlum boʻlgan (Yunonistonda mil. av. 350-y. ga mansub Stenografiya belgilari yozilgan marmar taxtacha topil gan). Kdd. Rimda mil. av. 1-a. da Sitseronning quli Tiron rimcha Stenografiya tizimini kashf etgan va Tiron, notalari deb ataladigan bu tizim 11-a. gacha qoʻllanib kelgan.

Ensiklopediya.uz
STENOGRAFIYA