SSV: Xususiy tibbiyot muassasalarida 18 ta ixtisoslik bo`yicha yuqori texnologik va murakkab operasiyalar o`tkazilmoqda
Mamlakatimiz sog`liqni saqlash tizimida xususiy sektor ulushi ortib bormoqda. Bu esa tibbiy xizmat sifatini yuksaltirish, sohada sog`lom raqobatni ta`minlash imkonini beryapti.
Jumladan, hozirgi kunda yurtimizda:
- Tibbiyot sohasida 7,5 mingga yaqin yuridik shaxs lisenziyaga ega.
- Ularning barchasida ambulator,
- 20 foizida stasionar tibbiy xizmatlar yo`lga qo`yilgan.
Mamlakatimiz tibbiyot muassasalaridagi o`rin-joylarning 26 foizi xususiy sektor hissasiga to`g`ri kelmoqda.
Nodavlat tibbiyot tashkilotlarida:
- 16,3 ming nafardan ziyod shifokor,
- 25,5 mingga yaqin o`rta tibbiyot xodimi faoliyat ko`rsatmoqda.
Nodavlat xususiy tibbiyot tashkilotlarida 130 tibbiy ixtisosliklardan 18 yo`nalishida yuqori texnologik va murakkab jarrohlik operasiyalari bajarilyapti.
Xususiy sektorga davlat byudjeti mablag`lari hisobidan:
- travmatologiya va ortopediya,
- akusherlik va ginekologiya,
- ko`z mikroxirurgiyasi,
- urologiya,
- kardiologiya ixtisosliklari bo`yicha tibbiy xizmat ko`rsatishga ruxsat berildi.
Salomatlik, Salomatlik sirlari, Salomatlik sirlari, Xirurgiya
SSV: Xususiy tibbiyot muassasalarida 18 ta ixtisoslik bo`yicha yuqori texnologik va murakkab operasiyalar o`tkazilmoqda