SOHIBQIRON AMIR TEMUR TUZUKLARINING BUGUNGI KUNDA TUTGAN O‘RNI Текст научной статьи по специальности «Искусствоведение»

4) O’zbek davlatchiligi tarixida uning nihoyatda yuksak ahamiyati va o’rni bor; [9:12]

Amir temurning temur tuzuklari kitob

Ma’ruzachi bu masalani yoritishda birinchi navbatda A.Temurning adolatli davlat tuzishga, bunday davlatning asosiy tamoyillarini ishlab chiqishga muhim e’tibor qaratganligini qo‘yidagi tarixiy dalillar asosida tushuntirib berishga harakat qilmog‘i lozim.

Amir Temur mamlakatda qatiqqo‘l hokimiyat o‘rnatish zarurligini yaxshi tushunardi. Negaki, ko‘chmanchi mug‘ul-turk qabilalaridan jaloir, barlos, sulduz va boshqalarning o‘zboshimcha boshliqlarini itoatda saqlab turish oson emas edi. Shu maqsadda mamlakatda qonun va tartib ishlarini joriy etishga kirishadi. U o‘ziga mustahkam tayanch barpo etish maqsadida barlos qabilasidan maxsus harbiy qism tashkil etib, ularga katta imtiyozlar beradi.

Amir Temur o‘z davlati hokimiyatini mustahkamlashda islom diniga tayandi. Islom namoyandalari uni qo‘llab-quvvatladi. Mamlakat aholisining ko‘pchiligini tashkil etgan dehqonlar va shahar aholisi – tijoratchilar, hunarmandlar sohibqironning davlatni mustahkamlashga qaratilgan tadbir-larini ma’qulladilar.

A.Temur o‘z davlati asoslarini adolat bilan mustahkamladi va «Kuch adolatdadir» (Rosti-rusti) shioriga amal qildi. Mamlakat aholisini 12 tabaqaga bo‘lib, ularning har biriga nisba-tan o‘ziga xos siyosat yurg‘izib, o‘zining ulkan tashkilotchiligi qobiliyatini namoyon etdi. Amir Temur davlat xududining tumanlarga bo‘linishi va o‘z

o‘g‘illariga ulus sifatida taqsimlab berilishini amalga oshirgan bo‘lsa ham, Movarounnahrni parchalamay o‘z qo‘lida mahkam saqladi. Davlatga maxsus xizmat qilganlarga «SUYURFOL»lar sifatida yer-suv va mol-mulk berdi, hamda alohida xizmatlar uchun «Tarxon» yorliqlarini joriy etdi. Tarxon yorlig‘ini olganlar turli soliqlardan ozod etildi. Amir Temur o‘zi tuzgan davlatda oliy hukmron bo‘lsa ham, o‘zini hech qachon podshoh yoki sulton deb atamay, umrbod amir unvonini saqlab qoldi. U an’anaga rioya qilgan holda yonida soxta xonlarni saqladi.

Amir Temur davlat ishlarini yurgizishda 4 narsaga doim amal qildi. Bular: 1. Kengash. 2. Mashvaratu maslaxat. 3. qat’iy qaror, tadbirkorlik va xushyorlik. 4. Extiyotkorlik.

Amir Temur hukmdor uchun qo‘yidagi o‘n ikki xislat zarurligini va bu xislatlarning birortasiga amal qilinmasa saltanat ishlariga putur yetishi mumkinligini tarixiy misollar bilan isbot qilib bergan edi. A.Temur hukmdor birinchidan o‘z so‘ziga ega bo‘lishi, ikkinchidan adolatpesha bo‘lishi, uchinchidan har ishda faqat o‘zi hukm chiqarishi, to‘rtinchidan qarorida qat’iy bo‘lishi, beshinchidan hukmi joriy etilishi, oltinchidan podsholik ishlarini har kimga topshirib qo‘ymasligi, yettinchidan ko‘pchilikning fikrini eshitishi, sak qizinchidan shoshmasdan mulohaza bilan ish yuritishi, to‘qqizinchidan sipohu, raiyatni umid va qo‘rquv orasida saqlashi, o‘ninchidan barcha ishni o‘z erkicha qilishi, o‘n birinchidan o‘z ishlariga birovni sherik qilmasligi va o‘n ikkinchidan davlat ishlarini maxfiy saqlab, boshqalardan ogoh va hushyor bo‘lishligi lozimligini alohida o‘qtirgan edi.

A.Temur davlat amaldorlarning sofligiga, xazinaga ko‘z olaytirmas-ligiga alohida e’tibor qilib, o‘z tuzuklarida: «Mamlakat xazinachilari bo‘lmish moliya vazirlari moliya ishlarida xiyonat qilib, boylikning bir qismini o‘zlashtirib olgan bo‘lsalar tekshirib ko‘rilsin», – deb yozib qoldirgan edi.

Amir Temur davlatni boshqarishda 7 vazirga suyanib ish ko‘rdi va ulardan 4 vazirning xar kuni devonxonada xozir bo‘lishlarini talab etdi. Bular: 1. Mamlakat va raiyat vaziri. 2. Sipox vaziri. 3. Egasiz qolgan mulk vaziri. 4. Saltanat ishlarini yurituvchi vazir. Bundan tashqari yana 3 vazirdan iborat sarxadlar vazirlari xay’atini tuzdi.

Vazirlardan birinchisi yer soliqlari, boj, o‘lpon – soliq undirish, hamda mirshablik yumushlarini boshqargan, mamlakatdagi muhim ishlarni, kundalik muammolarni yechish, raiyat ahvolini o‘rganish, viloyatlardan olingan hosil, soliq, o‘lponlarni taqsimlash ishlarini bajargan. Ikkinchi vazir sipoh vaziri hisoblanib, sipohiylarning maoshlari va tanho (bu yerda toju-taxt uchun qilgan xizmatlari evaziga berilgan in’om ma’nosida)larni boshqargan. Uchinchi vazir esa egasiz qolgan, o‘lib kegan va qochganlarga tegishli mollarni, kelib ketayotgan savdogarlar mol-mulkidan olinadigan zakot va bojlarni, mamlakat chorvasini boshqarish, bularning barchasidan to‘plangan daromadlarni omonat tarzida saqlash ishlari bilan shug‘ullangan.

Saltanatning har bir idorasida kirim-chiqimlarni, kundalik xarajatlarni yozib borish uchun bir kotib tayinlangan.

Sohibqiron davlatida Devoni buzurg (bosh vazir)dan tashqari xar bir viloyatda «Devon» deb ataluvchi boshqarma bo‘lgan. U davlatning butkul ishlarini: soliq yig‘ish, tartib saqlash, ijtimoiy binolar, – bozorlar, hammomlar, yo‘llar, suv inshootlari tarmoqlarini nazorat qilib turgan. U xalqning xulqu-ahloqini kuzatib turgan. Uning xodimlari vaqti-vaqti bilan so‘roq, tekshirish-taftish, tergov ishlarini ham olib borishgan.

Temur xalqning shikoyatlari va arzlarini o‘rganuvchi maxsus arzbegi lavozimini joriy etgan. Arzbegi shikoyat va arizalarni ko‘rib chiqar, ularda kimlar aybdorligini aniqlar va bu xususida kengashga xabar qilar edi. Aybdorlar kim bo‘lishidan qat’iy nazar qattiq jazolangan. Soliqlar, moliyaviy masalalarda qat’iy tartib – qoida o‘rnatilgan. Rus sharqshunos olimi D.N.Logofet bu xususda «. biz hozir zo‘r berib intilayotgan daromad solig‘i degan narsa uning (Temurning) hokimiyatida o‘shandayoq mavjud edi», deb yozgan edi.

Amir Temur vazirlarini tanlash ishiga g‘oyat jiddiy qarar va ularni 4ta sifatga ega bo‘lishlariga ahamiyat berar edi. Bular: 1. aql-farosat-lilik; 2. toza nasllik; 3. sipoxu-raiyat axvollaridan xabardorlik; 4. sabr chidamlilik va tinchliksevarlik.

Amir Temur o‘z imperiyasiga qo‘shib olgan mamlakatlarni idora etish uchun tayinlanadigan kishilarga qo‘yiladigan talablar tizimini ham ishlab chiqdi. Bunday rahbarlar A. Temur talabiga ko‘ra qo‘yidagi fazilatlarga ega bo‘lishi lozim bo‘lgan: 1) Oliy janob tabiatli va ruhiy holatining ko‘tarinkiligi; 2) Nozik aql va ziyraklik; 3) Yuksak malaka hamda xalq va qo‘shinga murojaat qila bilish; 4) Sabr-toqat va odamlar bilan murosaga kelishmoq.

Mana shu yuqoridagi qoida va talablar Amir Temur hokimiyatini idora etishda va uni mustahkamlashda muhim o‘rinni eg‘alladi. Sohibqiron tuzgan imperiyaning ma’muriy-xududiy bo‘linishi asosan tumanlardan iborat bo‘lganligi uchun yangi amirlik tizimini shakllantirish va mustahkamlash zarur edi. Shu bois Amir Temur 313 kishiga amirlik mansabini berishga farmon berib, shulardan bir kishini amir-ul-umaro, 4 kishini beklarbegi, 100 kishini o‘nboshi, 100 kishini yuzboshi va 100 kishini mingboshi etib tayinladi. Bulardan tashqari 8 ta amirlar amir-ul-umaro yordamchilari etib tayinlanganlar.

Xulosa qilib aytganda, Amir Temur milliy g‘urur, vatanparvarlik, insonparvarlik kabi oliyjanob fazilatlar bilan qurollangan buyuk davlat arbobi edi. Mojar olimi Xerman Vamberi ta’kidlaganidek, O‘rta Osiyoda asl turklik davri Temurdan boshlangan. U turklarning mug‘ul-xitoy dunyosining ustidan g‘alabasini mujassam etib, milliy davlatga asos solgan, mamlakatning rasmiy tili turk (o‘zbek) tili bo‘lgan.

Buyuk Amir Temurning siyosiy faoliyati nafaqat davlatchilik tarixini boyitishda, shu bilan birga hozirgi sharoitda milliy davlatchiligimizni mustahkamlashda ham amaliy ahamiyat kasb etmoqda.

Buyuk Amir Temur tomonidan yozilgan muhim asar bu «Temur tuzuklari», ya’ni «Tuzukoti Temuriy»dir. «Qomus ul a’lom» deb nomlangan va Istambulda nashr etilgan komus kitobida: «Amir Temur «Tuzukoti» deb yuritiladigan komuslar majmuasini yozdi. Unda o‘zining hayot yo‘lini bayon qildi» 1 , – deb yoziladi.

Amir Temur faoliyatini o‘rganishda asosiy manbalardan bo‘lgan, turkiycha bitilgan «Temur tuzuklari»ning bir ko‘lyozma nusxasi Yaman hokimi Ja’far podshoh tomonidan milliy kutubxonada saqlangan. Bu asarning fors tiliga tarjimasini Mir Abu Tolib Hasaniy at-Turbotiy Makkaga haj qilib qaytib kelganidan so‘ng amalga oshirgan. Ana shu nusxa asosida «Temur tuzuklari» bizgacha yetib kelgan va XIX asrning oxirlarida rus tiliga tarjima etilib, nashr qilingan. Asar butun dunyoga mashhur bo‘lib, asrlar osha o‘z ahamiyatini saqlab qolib, juda ko‘p tillarga tarjima qilingan. Arab tili professori, ingliz mayori Uayt asarning forsiy matnini nashrga tayyorlagan va u 1783 yili Oqsfordda chop etilgan. 1785 va 1890 yillarda ushbu nashrning forscha matni hech o‘zgarishsiz Hindistonning Kalkutta va Bombey shaharlarida, 1963 yilda Eronda nashr etilgan. U 1787 yili taniqli fransuz sharqshunosi L.Lyangle tomonidan ushbu asar fransuz tilida ham nashr etilgan.

«Temur tuzuklari» ikki bo‘lim va 56 banddan iborat bo‘lib, kitobda bu bo‘limlar maqola deb atalgan. Birinchi maqola Temurning davlatni barpo etish va mustaxkamlash, qo‘shinlarni tashkil etish yuzasidan tuzuklaridan iborat. Ikkinchi maqolada esa, Amir Temur tomonidan o‘tkazilgan 13 kengash tafsilotlari va ularda buyuk sohibqironning amalga oshirgan tadbirlari bayon etilgan.

Shuningdek, «Tuzuklar»ning birinchi qismida Amir Temurning yetti yoshidan to vafotiga qadar (1342-1405 yil 18 fevral) kechgan hayoti va ijtimoiy-siyosiy faoliyati, uning Movarounnahrda markaziy hokimiyatni qo‘lga kiritishi, ijtimoiy tarqoqlikka barham berishi va markazlashgan davlat tuzishi, Eron va Afg‘onistonni o‘z tasarrufiga olishi, Oltin O‘rda xoni To‘xtamish ustidan qozonilgan g‘alaba va nihoyat buyuk jahongirning Ozarbayjon, Turkiya va Hindistonga qilgan harbiy yurishlari ixcham tarzda bayon etilgan.

Kitobning II qismi Sohibqiron nomidan aytilgan va uning toju-taxt vorislariga atalgan o‘ziga xos vasiyat va pandu-nasihatlaridan iboratdir. Unda davlatni idora qilishda kimlarga tayanish, toju-taxt egalarining burchi va vazifalari, vazir va qo‘shin boshliqlarining burch va vazifalari, amirlar va boshqa mansabdorlarning toju-taxt oldida ko‘rsatgan alohida hizmatlarini taqdirlash tartibi va hokazolar xususida so‘z yuritiladi.

Ikkinchi bo‘limda, ya’ni maqolada Amir Temur shunday deb yozadi: «Mamlakatlarni fatx etuvchi baxtli farzandlarim va jahonni idora etuvchi qudratli nabiralarimga ma’lum bo‘lsinkim, tangri taolo dargohidan umidim shulki, ko‘plab farzandlarim, avlodim uchun saltanat qurish, davlat tutish ishlarini bir necha tuzukka bog‘ladim, va saltanatni boshqarish haqida qo‘llanma yozib qoldirdim» 1 .

Ulug‘ Amir Temur yana davom etib: «Har mamlakatning yaxshi kishilariga men ham yaxshilik qildim, nafsi yomonlar, buzuqlar va ahloqsiz odamlarni mamlakatimdan quvib chiqardim» 2 , – deb yozgan edi.

Oliyjanob ahloqiy fazilatlarni Amir Temur xazratlari ulug‘lab-gina qolmaganlar, balki bu fazilatlarni bajaralishini davlat xududida yashayotgan fuqarolardan, hatto o‘z oila a’zolari tomonidan ham so‘zsiz bajarilishini talab qilganlar. «Yana tajribamdan ko‘rib bildimki», – deb yozadi Amir Temur – «davlat agar dinu oyin asosida qurilmas ekan, to‘ra tuzukka bog‘lanmas ekan, unday saltanatning shukuxi, qudrati va tartibi yo‘qoladi. Bunday saltanat yalong‘och odamga o‘xshaydi, uni ko‘rgan kimsa nazarini olib qochadi. Yohud kasu nokas tap tortmay kirib chiqadigan tomsiz, eshigi-to‘sig‘i yo‘q uyga o‘xshaydi.

Shuning uchun ham men o‘z saltanatim binosini dini islom to‘ra va tuzuk asosida mustahkamladim» 1 .

Amir Temur o‘z tuzuklari keyingi avdlodi uchun bir qo‘llanma bo‘lib qolishni ko‘zlab: «Farzandlarim va avlodimdan bo‘lganlarning har biri unga muvofiq ish yuritsin Bu tuzuklardan o‘z saltanat ishlarini boshqarishda qo‘llanma sifatida foydalangaylar, toki mendan ularga o‘tadigan davlat va saltanat zararu tanazzuldan omon bo‘lg‘ay» 2 , – deb yozib qoldirgan edi.

Darhaqiqat bu asardan faqat Temuriy shahzodalargina emas, ko‘plab sharq hukmdorlari o‘zlarining faoliyatlarida foydalanganlar va unga yuqori baho berganlar. Jumladan, Shoh Jahon (1628-1657), Qo‘qon xoni Muhammad Alixon (1822-1842), Buxoro amiri Abdullahadxon (1885-1910) lar «Tuzukot»dan parchalar ko‘chirtirib, ulardagi qoidalarga amal qilgan-lar.

Temur tuzuklarida Amir Temur o‘zi tuzgan qo‘shinning tuzilishi, qurollanishi hamda buyuk sohibqironning harbiy san’ati haqida ham muhim ma’lumotlar berilgan. Zero Amir Temur tuzgan qo‘shin o‘zining strategik va taktik maxorati bilan o‘sha davrning eng mukammal va kuchli armiyalaridan hisoblangan. Amir Temur esa jahonda mahoratli buyuk sarkarda sifatida shuhrat qozongan. Hozir ham ko‘pgina xorijiy mamlakatlar harbiy o‘quv yurtlarida «Temur taktikasi» mahsus kurs sifatida o‘tiladi. Yurtimiz va xalqimiz mustaqil bo‘lgach, mustaqil davlatchiligimiz asoslarini yaratishda buyuk Amir Temur va uning «tuzuklari»ga murojaat qilmoqdamiz. Uning «Kuch adolatda» tamoyili esa huquqiy davlat barpo etishimizda yo‘llanma bo‘lib xizmat qilmoqda.

Buyuk sohibqiron Amir Temurni nafaqat O‘rta Osiyo xalqi, uni butun jahon tan oldi. Chunki u faqat O‘rta Osiyodagina emas, dunyoning boshqa xalqlari uchun ham buyuk xizmatlar qildi.

Amir Temur tomonidan markazlashgan davlatning tuzilishi, feodal tarqoqlikning tugatilishi, mamlakatda tinchlik va osoyishtalikning o‘rnatilishi O‘rta Osiyo xalqlarining ijtimoiy-iqtisodiy va madaniy taraqqiyoti yo‘lida ijobiy rol o‘ynadi. Mug‘ullar davrida vayron bo‘lgan iqtisodiyot tiklandi, hunarmandchilik va tijorat ishlari rivojlandi, fan va madaniyat ravnaq topdi, shaharlar obod bo‘ldi. Eng muhimi, xalq tinch va osoyishta hayot tarziga kirdi.

1 Komus-ul-a’lom. Stambul, 1891. 1727-bet.

1 Temur tuzuklari, Toshkent, 1991 yil, 55-bet.

2 Temur tuzuklari, Toshkent, 1991 yil, 55-bet.

1 Temur tuzuklari, Toshkent, 1991 yil, 57-bet.

2 Temur tuzuklari, Toshkent, 1991 yil, 53-bet.

SOHIBQIRON AMIR TEMUR TUZUKLARINING BUGUNGI KUNDA TUTGAN O‘RNI Текст научной статьи по специальности «Искусствоведение»

Аннотация научной статьи по искусствоведению, автор научной работы — Asal Farhod Qizi Xayriddinova, Moʻminmirzo Zokir Oʻg‘Li Xolmoʻminov

Mazkur maqolada markazlashgan davlat asoschisi, buyuk sarkarda, davlat arbobi Sohibqiron Amir Temurning davlatni boshqarish qoidalari va uning “Temur Tuzuklari” asaridagi muhim o‘gitlarning manzum mohiyati yoritib o‘tilgan.

i Надоели баннеры? Вы всегда можете отключить рекламу.

Похожие темы научных работ по искусствоведению , автор научной работы — Asal Farhod Qizi Xayriddinova, Moʻminmirzo Zokir Oʻg‘Li Xolmoʻminov

“TEMUR TUZUKLARI”NING YOSHLAR TARBIYASIDAGI O‘RNI
AMIR TEMURNING DAVLAT BOSHQARUVI SOHASIDAGI ISLOHOTLARI
“TEMUR TUZUKLARI” NING O‘ZBEK DAVLATCHILIGI TARIXIDAGI O‘RNI
AMIR TEMUR MA’NAVIYATINING BA’ZI JIHATLARI
SHARQ MUTAFAKKIRLARINING BOSHQARUV BORASIDAGI QARASHLARI
i Не можете найти то, что вам нужно? Попробуйте сервис подбора литературы.
i Надоели баннеры? Вы всегда можете отключить рекламу.

Текст научной работы на тему «SOHIBQIRON AMIR TEMUR TUZUKLARINING BUGUNGI KUNDA TUTGAN O‘RNI»

SOHIBQIRON AMIR TEMUR TUZUKLARINING BUGUNGI KUNDA

Asal Farhod qizi Xayriddinova Mo’minmirzo Zokir o’g’li Xolmo’minov mominmirzoxolmominov@gmail.com O’zbekiston davlat san’at va madaniyat instituti

Annotatsiya: Mazkur maqolada markazlashgan davlat asoschisi, buyuk sarkarda, davlat arbobi Sohibqiron Amir Temurning davlatni boshqarish qoidalari va uning “Temur Tuzuklari” asaridagi muhim o’gitlarning manzum mohiyati yoritib o’tilgan.

Kalit so’zlar: Davlat, siyosat, boshqaruv, alloma, qonun, qoida, mutafakkir, jamiyat

THE PLACE OF THE LAWS OF SAHIBQIRAN AMIR TEMUR TODAY

Asal Farhod kizi Khayriddinova Kholmuminov Zokir oglu Mominmirzo

Uzbekistan State Institute of Arts and Culture

Abstract: In this article, the rules of state management of the founder of the centralized state, the great general, statesman Sahibgiron Amir Temur and the meaning of the important instructions in his work “Temur’s Laws” are explained.

Keywords: State, politics, management, scholar, law, rule, thinker, society

Tarixdan ma’lumki, mamlakatimiz qadimdan alloma-yu mutafakkirlar, olim-u fozillar diyori hisoblanadi. Bu hududdan jahon ilm-fani ravnaqiga o’zining munosib hissasini qo’shgan Abu Nasr Farobiy, Muso al-Xorazmiy, Ahmad Farg’oniy, Abu Ali Ibn Sino,Abu Rayhon Beruniy singari qomusiy allomalar, Imom al-Buxoriy, Imom at- Termiziy, Imom Moturudiy, Burhoniddin Marinoniy kabi mutafakkirlar, To’maris, Spitamen, Shiroq, Temur Malik, Jaloliddin Manguberdi, Amir Temur kabi mard va jasur sarkardalar yetishib chiqdi.

“O’zbekiston boy qazilma va tabiiy resurslarga, qudratli iqtisodiy va insoniy salohiyatga ega. Biroq bizning eng katta boyligimiz – bu xalqimizning ulkan intellektual va ma’naviy salohiyatidir.[1:13]

Nafaqat Vatanimiz tarixida, balki dunyo ma’naviy-ma’rifiy hayotida o’chmas iz qoldirgan buyuk alloma va mutafakkirlar, sarkarda-yu qahramonlar bilan qancha

I ibiSi^^Bl http://oac.dsmi-qf.uz

faxrlansak arziydi. Xalqimiz tarixning eng murakkab sharoitlarida ham o’zining bunyodkorlik, ma’rifatparvarlik qarashlariga sodiq qoldi. Birinchi Prezidentimiz Islom Karimov ta’kidlaganlaridek: “Tarix xotirasi, xalqning, jonajon o’lkaning, davlatimiz hududining xolis va haqqoniy tarixini tiklash milliy o’zlikni anglashni, ta’bir joiz bo’lsa, milliy iftixorni tiklash va o’stirish jarayonida g’oyat muhim o’rin tutadi”[2:140]

So’ngi yillarda markazlashgan Amir Temur saltanati, uning o’zbek davlatchiligi va madaniyatini rivojlantirishdagi o’rni masalalariga oydinlik kiritilib, tarixchi, sharqshunos olimlarimiz ko’plab birinchi manba ahamiyatidagi asarlarni o’zbek tiliga tarjima qilib, nashr ettirdilar.

Davlatimiz siyosati va xalqimiz xohish-irodasiga asoslangan Vazirlar Mahkamasining 1994-yil 29-dekabrda “Amir Temur tavalludining 660 yilligini nishonlash to’risida”gi qarori, 1995-yil 26-dekabrda esa birinchi Prezidentimizning “1996-yilni Amir Temur yili deb e’lon qilish to’g’risida”gi farmonlari qabul qilindi. 1996-yil martida “Temuriylar Tarixi” davlat muzeyini tashkil qilish xususida, “Amir Temur” ordenini ta’sis etish to’risida farmonlar qabul qilindi.

YUNESKO qarori asosida Amir Temur tavalludining 660-yilligi butun dunyoda keng nishonlandi. 1996-yil aprelida shu tashkilotning Parijdagi qarorgohida “Temuriylar davrida fan, madaniyat va ta’lim ravnaqi” mavzusida ilmiy konferensiya o’tkazilib, buyuk davlat arbobining tarixdagi o’rniga yuksak baho berildi.

“Sohibqiron Amir Temur shaxsi uning ajdodlari bo’lmish faqat bizning emas, balki mintaqamizdagi barcha xalqlarning, butun ma’rifiy insoniyatning boyligidir”, degan edi birinchi Prezidentimiz.[3:141]

Amir Temur haqida fikr bildirar ekan birinchi Prezidentimiz yana shunday deydi: “Tengsiz azmu shijoat, mardlik va donishmandlik ramzi bo’lgan bu mumtoz siymo buyuk saltanat barpo etib, davlatchilik borasida o’zidan ham amaliy, ham nazariy meros qoldirdi, ilmi fan, madaniyat, bunyodkorlik, din va ma’naviyat rivojiga keng yo’l ochdi.[4:45]

Zero, Amir Temurning bunyodkorlik salohiyatidan nafaqat bizning yurtimiz, balki ko’plab boshqa shaharlar ham bahramand bo’ldilar. Har bir shaharda masjidlar, madrasalar, xonaqohlar qurishni, yo’lovchi musofirlar uchun yo’l ustiga rabotlar bino qilishni, daryolar ustiga ko’priklar qurishni buyurganligi haqida ma’lumotlar mavjud.[5:82]

Jumladan, Mo’g’ullar tomonidan vayron qilingan Darband, Badod, Baykaqon kabi shaharlarni qayta tikladi. Shuningdek, Amir Temur tomonidan, Tabrizda masjid, Sherozda saroy, Bag’dodda madrasa, Turkistonda Ahmad Yassaviy qabri ustiga maqbara bunyod ettirgan.[6:178]

O’rta Osiyo xalqlari, xususan, ajdodlarimizning qonun, davlat va siyosatga jiddiy munosabatda bo’lganliklari zamirida insonni ulug’lash, jamiyatning barcha

I [ccñ^^BI 32 http://oac.dsmi-qf.uz

qatlamlarini adolat bilan ushlab, chinakam huquq asoslariga tayanadigan davlat yaratishdan iborat maqsad yotar edi. Shuning uchun ham ajdodlarimizga rahnamo bo’lgan buyuk shaxslar davlatchilik borasidagi siyosiy, huquqiy tartiblarni o’rnatuvchi ko’plab asarlarni yaratgan. Ular orasida Amir Temurning “Tuzuklari” da ifoda etilgan davlat masalalariga oid yo’l -yo’riqlar, qonunlar, tuzuklar alohida ahamiyatga ega. Buyuk davlat arbobining davlatchilik siyosatida, u yaratgan boshqaruv tizimi hamda davlatchilik an’analari mohiyati zaminida muayyan bir jurofiy makon va jamiyatning turli imkoniyatlarini mahalliy xalq manfaatlari y o’lida yuzaga chiqaruvchi chinakam tashkilotchilik yotganini ko’ramiz.

O’zbek davlatchiligi tarixining muhim davri – Temur saltanati markazlashgan davri edi. Saltanat quruvchisining fikricha, davlat birinchi o’rinda, mamlakatdagi barcha ijtimoiy tabaqalarning manfaatlarini himoya qilishi, maslahat, kengash, tadbirkorlik, qonun-qoidalar va adolat bilan qat’iy tartibda boshqarilishi kerak edi.

Shu bois ham Amir Temurning 27 davlatni birlashtirgan Markazlashgan ulkan saltanati, tabiiyki, qonunlar to’plamlari asosida yaratilgan va unga qat’iy amal qilish yo’lga qo’yilgan bo’lishi kerak edi. Amir Temur turmush tajribalari asosida ishlab chiqqan va uning hukmi bilan qonun darajasiga ko’tarilgan qoidalar majmui bor ediki, ularni to’plam holiga keltirib, o’zidan keyingi vorislariga ham qonunlar tizimi, ham turmush tajribasi va maslahatlar tarzida qo’llanma qilib qoldirishi zarur edi.

Ana shu to’plam tarixiy asarlarda va turli tildagi tarjimalarga mos holda “Temur tuzuklari”, “Tuzukot Temuriy”, “Temuriy aytganlari” va “Voqeoti Temuriy” – ” Temurning boshidan kechirganlari”, “Qissai Temur”, “Malfuzoti Temuriy”, “Temur Qissasi”, “Zafar yo’li”, “Zafarnoma”, “Tarjimai hol”, “Esdaliklar”, “Tanziymot”(Yangi qonun-qoidalar, islohot), turkiy chig’atoy tilidan Rus tiliga o’girilganda Malfuzot va Tuzukot o’rniga “Dastur ul Amal” nomlari bilan mashhurdir.[7:7]

“Temur tuzuklari”ning fanda qayd etilgan ilk nusxasi eski o’zbek tilida bitilgani ma’lum. Asar O’rta Osiyolik Mir Abu Tolib Husayniy al-Ariziy at-Tubatiy tomonidan 1610-yili usmoniy turk hokimlaridan biri-Yaman hokimi Ja’far poshoning topshiri bilan fors tiliga tarjima qilinadi va dunyoga “Tuzuki Temuriy” nomi bilan tarqaldi. Bizga uning fors tilidagi nusxasi va fors tilidan o’zbek tiliga tarjimasining uch nusxasi yetib kelgan. Eng to’liq nusxasi “Malfuzoti Temuriy” deb nomlangan va u Rossiyaning Sankt-Peterburg shahridagi Salkitov-Shchedrin nomli kutubxonasida saqlanmoqda.[8:170]

Shunday qilib, “Tuzuklar” O’zbekiston davlatchiligi tarixi, o’rni haqida eng ko’p fikr, baholar bildirilib, o’z boshidan turli davrlarda turlicha munosabatni kechirgan tarixiy manbadir. U quyidagi manbalarga asoslanadi:

1) “Tuzuklar” – haqiqiy tarixiy manba va dunyoviy qonun-qoidalarni o’zida mustahkamlagan huquqiy manbaa;

I îhSi^^Bl http://oac.dsmi-qf.uz

2) “Tuzuklar” Amir Temur davrida uning o’z qo’li bilan yoki devonida yaratilgan, uning o’zi bir necha marta ko’rib,tahrir qilgan;

3) “Tuzuklar” davlat tuzugi, uni boshqarish, mustahkamlash borasidagi huquqiy asoslarini belgilab beradigan, shariat, odat va qonunlariga tayangan tavsiya hamda qoidalaridan iborat bo’lgan, u o’z davrining Konstitutsiyaviy qo’llanmasidir:

4) O’zbek davlatchiligi tarixida uning nihoyatda yuksak ahamiyati va o’rni bor; [9:12]

“Temur tuzuklari”ning bugungi kundagi ahamiyati juda beqiyosdir. Uni hozirgi kundagi Konstitutsiya bilan qiyos qilishimiz mumkin. Xususan, Konstitutsiyamizning 18-moddasida “O’zbekiston Respublikasida barcha fuqarolar bir xil huquq va erkinliklariga ega bo’lib, jinsi, irqi, millati, tili, dini, ijtimoiy kelib chiqishi, e’tiqodi, shaxsiy va ijtimoiy mavqeidan qat’i nazar qonun oldida tengdirlar. Imtiyozlar faqat qonun bilan belgilanib qo’yiladi hamda ijtimoiy adolat pirinsiplariga mos bo’lishi shart”deya alohida keltirilgan[10:9]. “Temur tuzuklari” da esa: “Qaysi mamlakatni zabt etgan bo’lsam, o’sha yerning obro’-e’tiborlik kishilarini aziz tutdim; sayyidlari, ulamolari, fuzalo va mashoyixiga ta’zim bajo keltirdim va hurmatladim; o’sha viloyatlarning ulug’larini og’a-inilarimdek, yoshlari va bolalarini bo’lsa, o’z farzandlarimdek ko’rdim. . Har mamlakatda adolat eshigini ochdim, zulmu sitam yo’lini to’sdim”, deya ta’kidlanadi.[11:76]

Amir Temur davlatining markaziy va mahalliy boshqaruv organlar tuzilishi, ularning o’zaro bog’liqligi, bir -biriga bo’ysunadigan va bo’ysunmaydigan idoralar, ularning siyosatda muvofiqlashtirilishi, davlat, jamiyat va shaxs manfaatlari uyg’unligining ta’minlanishi, ularning yechimlari masalalari bugun ham o’z ahamiyatini va mohiyatini saqlab qolgan.

“Sohibqiron davlat ishlarini to’ra va tuzukka tayanib, saltanatda o’z martaba va maqomini mustahkam saqlab turdi.” O’z tajribamda ko’rib bildimki, davlat agar din-u tartib asosida qurilmas, to’ra-tuzukka bog’lanmas ekan, unday saltanatning shukuhi, qudrati va tartibi yo’qoladi”, deb uqtiriladi “Temur tuzuklari” da [12:76]

Amir Temur davridagi “devon”, “vazir”, “hokim”, “aznachi” kabi mansab va unvonlar bugun ham davlat boshqaruv tizimida alohida institutlar sifatida shakllantirilgan. Shuningdek, mamlakatning viloyat va tumanlarga bo’linishi ham tarixiy asoslariga ega.

Sohibqiron sadoqat, qat’iyat va adolatparvarlik kabi fazilatlarni ulug’lagan. Ikkiyuzlamachilik, munofiqlik kabi razil odamlarga nafrat ko’zi bilan qaragan. Shuningdek, Amir Temur mana shu xislatlar bilan qo’l ostidagi odamlarga ibrat bo’lgan. U shunday deydi: “Men o’z askarlarim va fuqarolarimni dono siyosat va aniq adolat bilan qo’rquv va umid asosida saqladim”[13:90]

Xulosa qilib aytganda, biz boy madaniy merosga ega bo’lgan qadimiy xalqmiz. O’z Vatani tarixini bilish har bir o’sib-unib kelayotgan yosh avlod vakili uchun suv

I icclT^^^^H 34 http://oac.dsmi-qf.uz

va havodek zarur. Tarixiy xotira insonni ona yurt xizmatiga qat’iy bel bog’lash, uning sarhadlarini har qanday yovuz kuchlardan, animlardan himoyalash, kerak bo’lsa jon fido qilishga chorlaydi. “Temur tuzuklari”da ham hech qachon eskirmaydiga, inson ma’naviyati uchun bugun ham ma’naviy oziq bo’ladigan hikmatli fikrlarning ahamiyati hech qachon yo’qolmaydi. Ushbu asarda keltirilgan fikrlar, mulohazalar, yosh avlod tarbiyasida, uning ma’naviy yetuk, o’z Vatanini ko’z qorachig’iday asraydigan, mard va jasur farzandlar sifatida tarbiyalashda muhim ahamiyatga ega ekanligini unutmasligimiz zarur. Bugungi mustaqil taraqqiyot yo’limiz ham o’ziga xos buyuk davlatchiligimiz tarixi va an’analari bilan uyunlashgandir. Poydevori mustahkam imorat asrlar davomida, ming yillar qad rostlab turadi. Ildizi baquvvat, tarixiy xotirasi boqiy xalq hech qachon, hech kunga qaram bo’lmaydi.

1. Shavkat Mirziyoyev. “Erkin va farovon, demokratik O’zbekiston davlatini birgalikda barpo etamiz”, – “O’zbekiston”, 2016. 13-bet.

2. Islom Karimov. “O’zbekiston XXI asr bo’sag’asida xavfsizlikka tahdid, barqarorlik shartlari va taraqqiyot kafolatlari”,- “O’zbekiston”, 1997.140-bet.

3. O’sha manbaa: 141-bet.

4. Islom Karimov. “Yuksak ma’naviyat- yengilmas kuch”, – “Ma’naviyat”, 2016.45-bet.

5. Ubaydulla Uvatov. “Sohibqiron Arab muarrixlari nigohida”, -“Sharq”, 1997. 82-bet.

6. M.Rahimov, A.Zamonov. O’zbekiston tarixi. “Fan”. 2019. 178-bet

7. M.Sherov, B.Xaitov. “Amir Temur tuzuklariga harbiy-siyosiy sharh” (Monagrafiya), – Chirchiq. 2021. 7-bet.

8. M.Rahimov, A.Zamonov. O’zbekiston tarixi. “Fan”. 2019. 170-bet.

9. M.Sherov, B.Xaitov. “Amir Temur tuzuklariga harbiy-siyosiy sharh” (Monagrafiya), – Chirchiq, 2021. 7- bet.

10. O’zbekiston Respublikasi Konstitutsiyasi. “O’zbekiston”. 2019. 9-bet.

11. Amir Temur. “Temur Tuzuklari”. “Hilol media”. 2018. 176-bet.

12. O’sha manba: 79-bet.

13. Salimov.O. “Boshqaruv hikmati”. “Ta’lim”. Toshkent. – 2018. 90-bet.

Amir temurning temur tuzuklari kitob

Amir Temur shaxsini idrok etish–tarixni idrok etish demakdir. Amir Temurni anglash–o‘zligimizni anglash demakdir. Amir Temurni ulug‘lash–tarix qa’riga chuqur ildiz otgan tomirlarimizga, madaniyatimizga, qudratimizga asoslanib, buyuk kelajagimizni, ishonchimizni mustahkamlash demakdir. Bu haqda gapirganda, Amir Temurning davlatchilik va diplomatiya, harbiy mahorat, bunyodkorlik salohiyati, ilmu fan, san’at va me’morchilikka oid qarashlari, hayotning ma’no-mazmuni, insonni ulug‘laydigan ezgu ishlar haqida bildirgan fikrlari, dinu diyonat va adolatni joyiga qo‘yish, saltanat ishlarini kengash va tadbir asosida amalga oshirish, har bir masalada uzoqni ko‘zlab, el manfaatini o‘ylab ish tutish bilan bog‘liq ibratli fazilatlarini alohida ta’kidlash o‘rinlidir. Aynan mana shunday masalalar Sohibqiron tafakkurining mahsuli bo‘lgan “Temur tuzuklari” asarida har tomonlama aniq, ishonarli va ta’sirchan tarzda yoritilgan, desak, haqiqatni aytgan bo‘lamiz.

Bugungi murakkab va tahlikali davrda bu kitobni qayta-qayta mutolaa qilish, uning mag‘zini chaqish birinchi galda rahbar, yetakchi bo‘lishdek mas’uliyatli vazifani o‘z zimmasiga olgan odamlar uchun, qolaversa, har qaysi ziyoli inson uchun bag‘oyat foydali ekani haqida ortiqcha gapirib o‘tirishga hojat yo‘q, deb o‘ylayman.

Ishonchim komilki, yoshlarimiz bu kitobni mehr qo‘yib, tushunib, chuqur anglab o‘qisa, ularning qalbida milliy g‘urur tuyg‘usi yuksaladi, o‘zining qanday buyuk zotlarning avlodi ekanini yanada chuqurroq his etib, hayotning har qanday sinov va qiyinchiliklarini yengishga qodir insonlar bo‘lib voyaga yetadi.

ISLOM KARIMOV,
O‘zbekiston Respublikasining Birinchi Prezidenti

Shaxsan men Sohibqiron bobomiz bizga meros qilib qoldirgan “Tuzuklar”ni o‘qisam, xuddiki o‘zimga qandaydir katta ruhiy kuch-quvvat topgandek bo‘laman. Har bir satri bir umr el-yurt, saltanat tashvishi bilan yashagan fidoyi inson, ulkan davlat arbobining keng miqyosdagi o‘y-fikrlari, hayot va kurash tajribasi, mushohadasi, ba’zan esa dardli va iztirobli kechinmalari bilan sug‘orilgan bu asarda qanday teran ma’no mujassam ekanini ma’rifatli, zukko kitobxon yaxshi anglaydi, albatta. Men o‘z ish faoliyatimda bu kitobga takror-takror murojaat qilib, undagi hech qachon eskirmaydigan hayot hikmatlarining qanchalik to‘g‘ri ekaniga ko‘p bor ishonch hosil qilganman. Masalan, “Tajribamda ko‘rilgankim, azmi qat’iy, tadbirkor, hushyor, mard va shijoatli bir kishi mingta tadbirsiz, loqayd kishidan yaxshirokdir”, degan fikrlar bugungi kunda ham naqadar dolzarb ekani barchamizga ayon. Yoki u zotning: “Saltanat ishlarining to‘qqiz ulushini mashvarat, tadbir va kengash, qolgan bir ulushini esa qilich bilan bajo keltirish zarur”, degan ko‘rsatmalarida hozirgi notinch zamon uchun, XXI asr siyosatdonlari uchun ham har jihatdan ibratli fikrlar borligini ta’kidlash joiz.