SINGAPUR haqida to’liq ma’lumot oling

SINGAPUR — Singapur davlatining poytaxti. Jan. Sharqiy Osiyoning yirik iktisodiy markazi. Aholisi 4,1 mln. kishi (2001). Singapur boʻgozi sohilidagi dunyoda eng yirik dengiz portlaridan (yiliga 130 mln. t dan ziyod yuk ortibtushiriladi). Aeroporti xalqaro ahamiyatga ega. T. y. va shosse yoʻllar orqali Malakka ya. o. bilan bogʻlangan. Singapur — xalqaromoliya va xom ashyo tovarlari (tabiiy kauchuk, kokos palmasi mahsulotlari, yogʻoch, ziravorlar, mevalar, kofe, qalay) savdosining yirik markazi. Neftni qayta ishlash, elektrotexnika, neft kimyosi, mashinasozlik, kema taʼmirlash, rezina, oziq-ovqat va b. sanoat korxonalari bor. Baliqovlanadi. Shahar markazida koʻp qavatli zamonaviy binolar qurilgan. Singapur un-ti, 2 politexnika inti, muzeylar, kutubxonalar, botanika bogʻi, dengiz akvariumi, teatr va b. bor. Shaharga 1299-y. da asos solingan. 1365-y. dan S. Malay davlatlari savdosida muhim ahamiyatga ega boʻlgan. 1832-y. dan Britaniya Malayyasi mustamlakasining, 1946—59 y. larda inglizlarning Singapur mustamlakasining bosh shahri. 1959-y. dan «Oʻzini oʻzi boshqaruvchi Singapur davlati»ning, 1965-y. dan mustaqil Singapur Respublikasining poytaxti.