SHUVOQ
SHUVOQ — murakkabguldoshlar oilasiga mansub oʻsimliklar turkumi. Koʻp yillik, kamdankam bir yillik. 400 (baʼzi maʼlumotlarga qaraganda 250) turi maʼlum. Oʻrta Osiyo, Qozogʻiston va Zakavkazyening choʻl va yarim choʻl, dashtlarida koʻp uchraydi. Uzbekistonda, asosan, bir yillik Shuvoq yoki burgan, koʻp yillik oddiy Shuvoq yoki ola ermon, achchiq Shuvoq yoki ermon, sivers shuvogʻi yoki sassiq alaf, sugʻd shuvogʻi, oq Shuvoq va boshqalar turlari uchraydi.
Ensiklopediya.uz
SHUVOQ