SEBZOR
SEBZOR — oʻtmishda Toshkentdagi daha nomi. Shaharning shim. gʻarbiy qismida joylashgan. Toshkentning 4 dahasidan biri. Hududi jihatidan eng kichigi. Chegarasi gʻarbdan Sagʻbon va Krrasaroy koʻchalarining oraligʻidan (hoz. Zarqaynar koʻchasining gʻarbidan), jan. dan Jangob arigʻidan oʻtgan. Shaharning shim. va sharq tomondagi mavzelarida (Alvastikoʻprik, Hasanboy, Koʻkterak, Boyqoʻrgʻon, Boltamozor, Gurunchariq va b.) sebzorliklarning dala hovlilari, bogʻlari boʻlgan. Toshkentning eng qad. ariklaridan biri — Kaykovus Sebzor hududidan oʻtgan. Shayboniylardan Suyunchxoʻjaxon tomonidan bunyod etilgan (1525-y.) Kaykovus chorbogʻi uning boʻyida joylashgan. 19-a. oʻrtalarida Sebzorda 65 ta mahalla, 3 Madrasa (Baroqxon, Moʻyi Muborak, Beklarbegi), 78 masjid boʻlgan, shaharning 3 darvozasi (Labzak, Taxtapul, Qorasaroy), Eskijuva bozorining katta qismi, asosan, Sebzor hududida joylashgan. Aholisi (1870y. larda 18650 kishi), asosan, hunarmandchilik, shahar tashqarisidagi yerlarida dehqonchilik b-n shugʻullangan. Muhammad Solihnchng «Tarixi jadidai Toshkant» asarida S. Hazrat Imom Qaffol Shoshiy dahasi nomi bilan qayd etilgan. Sebzorda Qaffol Shoshiy (Xasti Imom) maqbarasi, Baroqxon madrasasi va b. meʼmoriy yodgorliklar joylashgan.
Ensiklopediya.uz
SEBZOR