SARVONTEPA

SARVONTEPA — ilk temir davriga oid arxeologik yodgorlik. Andijonning shim. gʻarbiy qismida, Eski shaqarning Tutzor va Sujoat koʻchalari kesishgan yerda joylashgan. Dastlab, oʻtgan asrning 50y. larida yodgorlik roʻyxatga olingan, soʻngra 70y. larda kichikroq arxeologik qazishmalar oʻtkazilgan hamda 5—8-a. lar bilan sanalangan edi. 2001-y. shaharda ish olib borayotgan arxeologlar Sarvontepani uncha katta boʻlmagan 30 x 20 m kattalikdagi saqlangan qismida qazish ishlari oʻtkazdilar (Matboboyev B. X.). Natijadahoz. shahar kuchalari kesishgan joydan 3—4 m chuqurlikda yaxshi saqlangan qad. madaniy qatlamlar qayd etildi. Qatlamlardan mil. av. 6—4-a. larga toʻgʻri keladigan guldor sopol idishlar va tosh buyumlar majmuasi oddiy maishiy oʻchoq yaqinidan ajratib olindi. Arxeologik i. t. larga koʻra, Sarvontepa kadimda katta boʻlgan, aniqlangan chegarasi boʻyicha hoz. gi mayd. 1 ga ga boradi. Sarvontepa ilk temir davriga (mil. av. 6—4-a. lar) taalluqli boʻlib fanda birinchi topilgan yodgorlik nomi bilan ataluvchi Eylaton madaniyati majmuiga kiradi. Sarvontepani oʻrganish vodiy tarixi uchun oʻta muhimdir. Sabab, birinchidan, Fargʻona vodiysi qadim shaharlari hududida (xususan, Andijonda) ilk bor 2400—2600-yillik arxeologik kompleks aniklandi; ikkinchidan, Andijonsoyni bunyod etilish tarixini yanada qadimiylashtiradi. Chunki Sarvontepa ushbu kanal boʻyida joylashgan va uning suvidan foydalangani shakshubhasiz. Nihoyat, Sarvontepa Andijon sh. ni ilk (dastlabki) oʻrni boʻlgani haqidagi fikr haqiqatga yaqin. Aynan ushbu hududda keyinroq oʻrta asrlar arki va shahristoni joylashgani ham bejiz emas.

Ensiklopediya.uz
SARVONTEPA