Samarqand iqtisodiyot va servis instituti 1931-yilning fevralida Toshkentda «O‘rta Osiyo Rejalashtirish instituti» sifatida tashkil topgan.1935-yil aprel oyida mazkur institut O‘zbekiston Davlat reja qo‘mitasi ixtiyoriga o‘tkazildi va unga «O‘zbekiston Rejalashtirish instituti» deb nom berildi. 1935-yil avgust oyida institut Toshkentdan Samarqandga ko‘chirildi.
Ittifoq Vazirlar Mahkamasining 1960-yil 23-noyabrdagi qaroriga muvofiq ushbu institut Samarqand kooperativ instituti deb nomlandi.
1998-yil 24-martdan Vazirlar Mahkamasining 123-sonli qaroriga asosan O‘zbekiston Respublikasining Oliy va o‘rta maxsus ta’lim vazirligi tasarrufiga o‘tkazildi. O’zbekiston Respublikasi Vazirlar Mahkamasining 2004-yil 26-mart 144-sonli qarori bilan Samarqand iqtisodiyot va servis institutiga aylantirildi.
FAKULTETLAR: Iqtisodiyot va menejment fakulteti, Bank va moliya xizmati fakulteti, Servis va turizm fakulteti
