DO`STLARGA ULASHING:

Sahroi Kabir

Sahrói kabír (arab. الصحراء الكبرى, As-Sahro-al-Kubro; fransuzcha: Sahara) — Yer yuzidagi eng katta tropik choʻl. Afrika qitʼasining shimolida. Gʻarbdan sharqqa qarab taxminan 4800 kmga, shimoldan janubga qarab 800 dan 1200 kmgacha choʻzilgan; 8,6 mln km maydonni egallagan (Afrika qitʼasining 30 %ga yaqin maydoni, Braziliyadan kattaroq). Gʻarbdan Atlantika okeani sohillarigacha, shimolda Atlas togʻlari va Oʻrtayer dengizi, sharqdan Qizil dengiz bilan oʻralgan. Sahroning janubiy chegaralari (16° shimoliy kenglikda) kamharakat qumli dyunalar iborat, undan janubda Sudan savannasiga oʻtuvchi Saxel regioni joylashgan.
Sahroi Kabir qisman oʻndan ortiq mamlakat — Jazoir, Liviya, Mali, Marokash, Mavritaniya, Misr, Niger, Sudan, Tunis, Gʻarbiy Sahroi Kabir va Chad hududini egallaydi.