Qin qichishi va achishi: sabablari, davolash usullari hamda profilaktikasi

Qin qichishi sabablari

1. Somatik kasalliklar
2. Jinsiy aʼzo qichishi sabablari: Tashqi omillar
3. Ginekologik, ayollar jinsiy kasalliklari

Ko’pincha, bu alomat bezovtalik, tirnashga moyillik, soha terisining qizarishi va quruqligi bilan birga keladi. Ushbu holat turli xil omillar tomonidan qo’zg’atilishi mumkin, ularning ba’zilari hattoki patologik emas.
Qin qichishishi o’zi alohida kasallik emas, balki faqat ayolning reproduktiv tizimidagi fiziologik jarayonlarning buzilishini ko’rsatadigan alomatdir. Ushbu omilni e’tiborsiz qoldirib bo’lmaydi, chunki bu juda xavfli signal bo’lib, ko’pincha ma’lum bir patologiyani ko’rsatadi.

To’liq diagnostika o’z vaqtida o’tkazilmasa va bemor yetarlicha davolanmasa, asoratlarning rivojlanishi yoki patologik jarayonning surunkali shaklga o’tishi ehtimoldan yiroq emas. Bundan tashqari, ushbu qin qichishishi ham ayol uchun jiddiy noqulaylik manbai hisoblanadi, chunki u odatdagi hayotga salbiy ta’sir qilib, ko’plab noqulayliklarni keltirib chiqaradi

Qin qichishi sabablari

Shifokorlar ayollar jinsiy aʼzosi qichishishini barcha sabablarini uch guruhga ajratadilar: somatik kasalliklar, tashqi omillar va ginekologik patologiyalar. Keling, ushbu guruhlarning har birini batafsil koʻrib chiqaylik.

Somatik kasalliklar

Somatik kasalliklar orasida birinchi navbatda siydik-ayirish tizim organlaridagi yalligʻlanish jarayoni ajralib turadi. Bunday holda, bemorlar nafaqat qin ichida, balki siydik yoʻllarining ochilishi sohasida ham qichishishni sezadilar.
Ayollar jinsiy sohasidagi qichishish, noqulaylik qandli diabet va endokrin tizimning boshqa kasalliklari tufayli ham kelib chiqishi mumkin. Bunda qichishish tananing boshqa qismlarida ham seziladi. Bundan tashqari, gormonal kasalliklarda qinning devorlari estrogen yetishmasligi tufayli oʻz elastikligini yoʻqotadi. Bu juda jiddiy noqulaylikni keltirib chiqarishi mumkin. Qin qichishishi anal patologiyalari bilan ham sezilishi mumkin. Koʻpincha, bu holda, bemorga anal sohasidagi ogʻriq va noqulaylik ham seziladi.

Ayollar jinsiy aʼzosi qichishi va achishishi yomon va yaxshi sifatli oʻsma kasalliklari, urogenetal sohadagi oqmalar tufayli ham kelib chiqishi mumkin.

Bundan tashqari, qin qichishi va achishi turli xil ruhiy kasalliklar bilan bogʻliq boʻlishi mumkin. Bunday holda, bemor tekshirilganda sohada quruqlik, oqma va boshqa alomatlar mavjud boʻlmaydi. Noqulay his-tuygʻularga stress va qoʻrquv hissi sabab boʻlishi mumkin.

Jinsiy aʼzo qichishi sabablari: Tashqi omillar

Ayollar jinsiy aʼzosi qichishi tashqi omillar tomonidan qoʻzgʻatilishi mumkin. Bunday holda, koʻpincha agent-taʼsirlovchi xususiyatni beruvchi vositani yoʻq qilish kifoya va noxush alomat toʻliq bartaraf boʻladi.

Koʻpincha bezovtalikning sababi gigiyena mahsulotlariga (gel, yostiqlar, moylash materiallari va boshqalar) allergik reaksiya boʻlib hisoblanadi. Prezervativ (tabletkalar, shamlar) kabi kontratseptiv vositalar baʼzi ayollarda qichish hissini keltirib chiqarishi mumkin. Bundan tashqari, baʼzida sohadagi qichishish hatto oziq-ovqat allergiyasidan ham kelib chiqishi mumkin: ziravorlar, qoʻziqorinlar yoki dudlangan goʻshtlar isteʼmoli tufayli.

Noqulaylik jinsiy aʼzolarning yetarli boʻlmagan yoki juda ham puxta gigiyenasidan kelib chiqishi mumkin. Birinchi holatda gigiyena qoidalariga amal qilinmasalik tufayli qin qichishi va achishi yuzaga kelsa, ikkinchi holatda haddan tashqari tez-tez yuvinish, ishqoriy sovundan koʻp foydalanish qin mikroflorasining buzilishiga olib kelishi mumkin, bu esa quruqlik va qichishish bilan namoyon boʻladi.

Antibiotiklardan uzoq muddatli foydalanish — bu ayollar jinsiy sohasida yuzaga kelishi mumkin boʻlgan qichishishning yana bir sababi. Antibiotiklar patogen mikrofloralar bilan birgalikda laktobakteriyalarni ham halok qiladi, laktobakteriyalar esa qin ichidagi kislotali muhitni saqlashga va patogenlar koʻpayishini oldini olishga yordam beradi.

Noqulay ichki kiyim va kiyimlar ham jinsiy sohada muammolarni keltirib chiqaradigan omil hisoblanadi. Juda qattiq, tor shimlar jinsiy aʼzolarning nozik shilliq qavatini taʼsirlantirishi va unga shikast yetkazishi mumkin. Shuningdek, qin qichishi va achishining sababi qoʻpol jinsiy aloqadan kelib chiqadigan mexanik mikrotravma ham boʻlishi mumkin.

Ginekologik, ayollar jinsiy kasalliklari

Qin achishishi va qichishishi hissi sohadagi deyarli har qanday yalligʻlanish jarayonining alomatlaridir. Shartli ravishda patogen mikroorganizmlar kasalliklarning sababi boʻlishi mumkin. Odatda, ular vaginal mikroflorada mavjud boʻlib, noqulaylik tugʻdirmaydi, ammo qoʻzgʻatuvchi omillar bilan ularning faol koʻpayishi boshlanadi, natijada yalligʻlanish jarayoni avjlanadi. Bunday kasalliklarga, masalan, qin shilliq qavatining kandidozi kiradi. Kasallikka Candida albicans sabab boʻladi. Kandidoz oʻzini qin kuchli achishi, qichishi va pishloq sifat oqindi bilan namoyon qiladi. Shuningdek, qin qichishi bakterial vaginit, kolpit yoki vulvovaginit tufayli kelib chiqishi mumkin, bu E.coli yoki coccal infektsiyalari tomonidan qoʻzgʻatiladi.

Jinsiy yoʻl bilan yuqadigan kasalliklar uzoq vaqt davomida hech qanday koʻrinishda bemorda namoyon boʻlmasligi mumkin, ammo immunitet zaiflashganda, ular oʻzlarini bezovtalik, achishish hissi va jinsiy soha atrofidagi qichishish kabi belgilar bilan signal berishadi. Bular xlamidiya, trixomonoz, mikoplazmoz, genital gerpes kabilardir. Jinsiy yoʻl bilan yuqadigan kasalliklarning asoratlari sifatida bachadon boʻyni shilliq qavatining yalligʻlanishi (servitsit), endometrit va uretrit paydo boʻlishi mumkin. Bu jarayonlarning hammasi qin qichishi bilan birga keladi.

Homiladorlikda qinning qichishi

Koʻpincha, jinsiy aʼzoda qichishish homiladorlik paytida ham paydo boʻladi. Bunga umumiy holatdagi noqulaylikni keltirib chiqaradigan yuqoridagi sabablar ham, homiladorlik davri bilan bogʻliq aniq omillar ham sabab boʻlishi mumkin. Homiladorlik paytida qinda bezovtalik oziq-ovqat, maishiy kimyoviy vositalar, kosmetika yoki dorilarga allergik reaksiya tufayli kelib chiqishi mumkin. Bundan tashqari, nevrotik kasalliklar, jinsiy organlarning infeksiyalari, shuningdek bakterial vaginoz kabi kasalliklar. Noqulay his-tuygʻularni ekstragenital patologiyalar ham qoʻzgʻatishi mumkin, masalan, endokrin kasalliklar. Boʻlajak onalar iqlim omiliga ham juda sezgir boʻlishadi. Shu sababdan, homilador ayollarning qinidagi qichishish juda issiq ob-havo tufayli boshlanishi mumkin.

Bundan tashqari, homiladorlik paytida qindan fiziologik ajralma miqdori koʻpayadi. Natijada, ayollar qoʻshimcha gigiyena protseduralariga muhtoj boʻlishadi. Ginekologlarning taʼkidlashicha, baʼzida homiladorlikning oʻzi qin qichishishiga bevosita sabab boʻladi. Bu holat patologiya emas. Boʻlajak onalarda gormonlar darajasi oʻzgaradi, bu terining elastikligiga taʼsir qiladi. Qorin va koʻkrak kattalashganda, terida belgilar paydo boʻladi, bu esa qichishishni keltirib chiqarishi mumkin.

Homilador ayollar jinsiy aʼzosi qichishi qonda estrogen miqdori koʻpayishi tufayli jigar va oʻt yoʻllari tizimida oʻzgarishlar yuz berib, safro kislotalarining ortiqcha ishlab chiqarilishi tufayli ham yuzaga keladi.

Qin qichishi uy sharoitida davolash mumkinmi?

Agar qin qichishishi va achishishi sezilsa, ginekolog qabuliga borishingiz kerak. Oʻz vaqtida olib borilgan tekshiruv bezovtalik sababini aniqlashga va davolanishni iloji boricha samarali qilishga yordam beradi.

Shifokorga murojaat qilishdan oldin, uy sharoitida qin qichishiga qarshi bir qator ehtiyot choralarini ko’rishingiz kerak. Imkon qadar, ma’lum muddat jinsiy aloqadan chetlaning, chunki aloqa jinsiy aʼzolarni yanada koʻproq tirnashi, natijada qichishishning kuchayishi olib kelishi mumkin. Agar siz ushbu holatda ham jinsiy munosabatni davom ettirsangiz, prezervativlardan foydalanishingiz lozim. O’zini qin sohasidagi noxush tuyg’ular bilan namoyon qiladigan ko’plab kasalliklar yuqumli bo’lib, jinsiy yo’l bilan yuqadi.

Agar simptom paydo bo’lishidan bir necha kun oldin intim gigiyena uchun yangi vositalarni, yangi turdagi yostiqchalarni va boshqalarni ishlatishni boshlagan bo’lsangiz, unda qichishish allergik reaksiyaning rivojlanishi tufayli bo’lishi mumkin. Achishish va qichishishning asl sababi aniqlangunga qadar, allergiya chaqirishi mumkin bo’lgan barcha mahsulotlardan chetlanish lozimr.

Shunigdek jinsiy a’zolar gigiyenasiga alohida e’tibor bering. Sintetik ichki kiyimlardan foydalanishni vaqtincha to’xtatib turing, faqat zarur bo’lganda yostiqchalardan foydalaning.
Hayz kunlarida tampon o’rniga yostiqchalarga o’ting. Trikotaj va boshqa noqulay ichki kiyimlardan saqlaning. Shuningdek, tor shimlarni vaqtincha unuting, ular bezovtalikni yanada kuchayishiga olib kelishi mumkin. Kuniga kamida uch marta, romashkali qaynatma yordamida jinsiy a’zo sohasini yuving.

Ushbu barcha choralar sizni qin qichishi uy sharoitida davolash mumkin, degan xato fikrga boshlamasin. Chunki bu choralar uy sharoitida qin qichishishini davolash uchu emas, balki bezovtalik intensivligini kamaytirishga va vaziyatni og’irlashtirmaslikka yordam beradi. Ular ginekolog ko’rigining o’rnini bosmaydi. Shifokorga tashrifni kechiktirish mumkin emas, aks holda davolanish ancha uzoqroq, murakkabroq va qimmatroq bo’lishi mumkin.

Qin qichishishi va achishishini davolash usullari

Ayollar jinsiy aʼzosi qichishi davolash bilan ginekolog shugʻullanadi. Agar kerak boʻlsa, patologiyaning xususiyatiga qarab, u boshqa mutaxassislarni: nevrolog, allergolog, dermatolog yoki terapevtga yoʻnaltirishi mumkin. Shu bilan birga, mutaxassislarning har biri juda koʻp sonli individual omillarni hisobga oladi, shuning uchun bir xil kasallikni davolash turli xil bemorlar uchun turli xil boʻlishi mumkin.

Har bir holatda qanday terapiya qoʻllanilishi noqulaylik tugʻdirgan asl sababga bogʻliq. Shunday qilib, agar jinsiy aʼzo qichishi sababi infeksiya boʻlsa, mahalliy yoki tizimli antibiotik terapiyasi qoʻllaniladi.

Agar kasallik zamburugʻ etiologiyaga ega boʻlsa, zamburugʻlarga qarshi preparatlar buyuriladi. Allergik tabiatning qichishi antigistaminlar va tinchlantiruvchi vositalar yordamida bartaraf etiladi.

Gormonal kasalliklar boʻlsa, gormonal terapiya qoʻllaniladi va, albatta, bemor ginekolog-endokrinolog konsultatsiyasiga yuboriladi. Agar shifokor psixologik omillar bezovtalikni qoʻzgʻatganligini aniqlasa, bemor psixoterapevtga yuboriladi va unga tegishli preparatlar buyuriladi.

Qin qichishishi va achishishi ayol oʻzining sogʻligi haqida oʻylashi uchun signaldir. Shuni unutmagan holatda ushbu bezovtalikka qarshi jiddiy yondashib kurashish lozim.

Qin qichishi profilaktikasi

Agar bir qator oddiy qoidalarga rioya qilsangiz, jinsiy sohadagi noqulaylikdan qochishingiz mumkin. Avvalo ginekolog qabuliga yiliga ikki marta kamida bir marta borish lozim . Bundan tashqari, qinning normal pH balansini saqlash tavsiya etiladi. Shuni esda tutish kerakki, qinning istalmagan oʻzgarishi, albatta, kislota-ishqor muvozanati buzilishi bilan yuzaga keladi. Normada pH darajasi 3,6 dan 4,4 gacha, boshqacha aytganda muhit kislotali boʻladi. Uning barqarorligi sut kislotasi ishlab chiqaradigan laktobakteriyalar tomonidan saqlanadi. Patogen florani koʻpayishiga toʻsqinlik qiladigan va shu bilan yalligʻlanishning rivojlanishiga toʻsqinlik qiladigan bu kislotali muhitdir.

Kislotali muhit oʻzgarishi bilan patogen mikrofloraning koʻpayishi boshlanadi, bu laktobakteriyalarni siqib chiqaradi va infeksiyaning rivojlanishi uchun ideal sharoit yaratadi. Shuning uchun ushbu muhit barqarorligini saqlash doim muhim boʻlib qoladi.

Ginekologlar odatdagidek paxtadan tayyorlangan juda tor boʻlmagan ichki kiyim kiyishni maslahat berishadi. Shuningdek, jinsiy aʼzolar atrofidagi shilliq qavat va terini haddan tashqari qurib ketishiga yoʻl qoʻymaslik lozim.

Ushbu mavzu yuzasidan savollaringiz bormi? Unda savollaringizni quyida “Fikr bildirish” qismi orqali yozib qoldiring. Dolzarb va muhim savollarga shifokor ekspertlarimiz javob berishadi.

3 comments

qinda minestratsiya payti yaqinlashganda qichishish va sariq videleniya keladi bu manga juda noqulay bitta qizim bor nima qisam boladi iltimos jovob berin

Dilshodbek :

Assalomu alleykum DNK.uz sayti admini sifatli maqolalar uchun rahmat! Qin haqida va uning ichidagi harorat haqida ma’lumot bersangiz

Assalomu alaykum. Malumotlarni o’qidim. Lekin kasallik qaysi turi menda aniqlay olmadim. 6 oylik emizikli bolam bor. Chaqalogimni og’zichasi oqarib stamatit bolib qolyapti. Mendagi holat unga tasir qilyaptimi?! 1.5 oylik homilam bor. Qinda qichish juda qiynayapti . Qandaydir donachalarmi etchalar chiqqan. Shish bor. Qizarish bor. Nima maslahat berasizz

Добавить комментарий Отменить ответ

Этот сайт использует Akismet для борьбы со спамом. Узнайте, как обрабатываются ваши данные комментариев.