Oyoq hidlanishining sabab va yechimlari

Reklama huquqi asosida

BIOSTEP: yoqimsiz ter hididan tabiiy yo‘l bilan xalos bo‘lish mumkin

Yoqimsiz ter hidi, oyoq va qo‘l kaftlarining terlashi, oyoq kiyimlarning hidlanib qolishi. Sizga tanish holatmi? Terlash va undan hosil bo‘layotgan noxush hiddan aziyat chekyapsizmi? Uy sharoitidagi turli tavsiyalardan tortib, cho‘ntakka anchagina yuk bo‘ladigan qimmat vositalargacha qo‘llab ko‘rdingiz, lekin samara yo‘qmi? Tashvishga hojat yo‘q, BIOSTEP mushkulingizni oson qiladi.

Yuz foiz tabiiy komponentlardan tarkib topgan BIOSTEP kukuni yoqimsiz ter hidi, oyoq va qo‘l kaftlarining terlashi, oyoq kiyimning hidlanib qolishi kabi salbiy holatlarga eng samarali yechimdir. BIOSTEP bilan hatto faol jismoniy harakatlardan keyin ham, yozning jazirama kunlarida ham noxush hidlar nimaligini mutlaqo unutasiz.

BIOSTEP tarkibida hech qanday kimyoviy moddalarni saqlamaydi, shu bois uni oilaning 7 yoshdan 70 yoshgacha bo‘lgan har bir a’zosi kun davomida bemalol qo‘llashi mumkin. Tabiiy minerallardan tarkib topgan kukun antiseptik va shifobaxsh xususiyatga ega.

Har qanday noxush holatni bartaraf etishda faqatgina oqibat emas, sabab bilan ham kurashish kerak, shundagina 100 foiz natijaga erishiladi. BIOSTEP ham xuddi shunday formula asosida ishlaydi. Ya’ni faqatgina yoqimsiz ter hidini emas, uni hosil qiluvchi bakteriyalarni ham yo‘qotadi. Terlash natijasida zamburug‘lar hosil bo‘lishining oldini oladi. Shu bois samarali natija kafolatlangan.

Ter hidining «kushandasi» bo‘lgan BIOSTEP kukuni kiyimda dog‘ qoldirmaydi, teri teshikchalarini qoplab olmaydi va uning erkin nafas olishiga imkon qoldiradi, organizmga so‘rilmaydi, allergik holatlarni chaqirmaydi. Qo‘llashga qarshi ko‘rsatmalar mavjud emas.

Qo‘llashni boshlaganingizdan so‘ng qisqa muddatda ijobiy natijasini seza boshlaysiz va tersiz hayot uzoq vaqt saqlanib qoladi. Qo‘llash juda ham oson, sifat va samara sizni qoniqtirishiga shubha yo‘q.

BIOSTEP – noxush hid ustidan sof g‘alaba!

Ter hidiga qarshi BIOSTEP kukunini shahar do‘konlari va dorixonalaridan so‘rang.

Telefonlar: +99897 784-97-00

Reklama huquqi asosida

Oyoq hidlanishining sabab va yechimlari

Foto: «Domashniy ochag»
Oyoqlar hech qachon o‘zidan o‘zi hidlanib qolmaydi. Bunga namlik va dimiqish tufayli mikroorganizmlarning ko‘payishi sabab bo‘ladi. Bakteriyalar hid chiqaradigan yog‘ kislotalarini chiqaradi. Oyoq qancha ko‘p terlasa, bakteriya ko‘payishi uchun muhit hamda noxush hid ham shuncha ko‘p bo‘ladi.

Nima sabab bo‘ladi?

Sifatsiz poyabzal
Tekstil va charm o‘rnini bosadigan matolardan tayyorlangan poyabzallar havo o‘tkazmaydi, bunda esa oyoq nafas olmaydi. Agar oyoq hidlangan bo‘lsa, bunday oyoq kiyim kiyganda hid unga o‘tirib qoladi va o‘zidan shunday hid chiqara boshlaydi. Shu bois tabiiy charm poyabzal kiyish, har kuni ketma-ket bir oyoq kiyim kiymaslik hamda uni quritib, pataklarini almashtirib turish kerak. Shuningdek, poyabzal kiyishdan oldin va yechgandan keyin oyoqlarni yuvib, yoningizda boshqa bir toza paypoq olib yurishga harakat qiling.

Sintetik paypoq va kolgotka
Bunday paypoq va kolgotkalar ham bakteriyani ko‘paytirish xususiyatiga ega. Shu sabab paxta matosidan tikilgan paypoq va sifatli kolgotka xarid qiling. Har kuni almashtirib kiying.

Salomatlik bilan bog‘liq muammolar
Oyoqning hidlanishi shifokorga murojaat qilish uchun sabab bo‘lishi mumkin. Oyoqda zamburug‘ va mikoz paydo bo‘lishi eng ko‘p tarqalgan sabablardan biri bo‘lishi mumkin. Shuningdek, teri bezlarining ishdan chiqishi, gormonal o‘zgarish, qandli diabet, gepatit C, yurak qon-tomir kasalliklari va endokrin tizimidagi muammolar ham sabab bo‘lishi mumkin.

Noto‘g‘ri ovqatlanish va zararli odatlar
Konservantlar, aromatizator va boshqa zararli moddalar qo‘shilgan mahsulot va taomlarni iste’mol qilish teri bezlariga salbiy ta’sir ko‘rsatadi. Ratsioningizga meva, sabzavot va boshqa antioksidant hamda vitaminlarga boy mahsulotlarni kiriting. Bundan tashqari, spirtli ichimlik va medikamentoz preparatlar ham ta’sir ko‘rsatishi mumkin.

Stress va jismoniy zo‘riqish
Stressga sabab bo‘ladigan vaziyatlar hamda sport mashqlari vaqtida adrenalin ko‘proq ajrala boshlaydi, bu esa teri bezlariga ta’sir o‘tkazadi va yoqimsiz hid chiqishiga sababchi bo‘ladi.

Nima qilish kerak?
Profilaktika maqsadida kun davomida dezodorant, antibakterial xususiyatga ega bo‘lgan vositalar hamda talk (tibbiyotda ishlatiladigan oq yoki ko‘kish rangli mineral)dan foydalaning. Kuniga kamida bir marta oyoqlaringizni suv va sovun bilan yaxshilab yuvishga odatlaning.

Muntazam ravishda oyoqlarni vanna qilish terini toksinlardan tozalaydi va hidlanishni kamaytiradi.

1. Buning uchun iliq suvga 3-4 tomchi evkalipt. sitrus yog‘i tomizing, oyoqlarni 10-20 daqiqa suvda ushlang. Shish va charchoqni ham bartaraf etishni xohlasangiz, dengiz tuzini ham solish tavsiya etiladi.
2. Choyli damlamadan vanna qilish uchun 3 choy qoshiq choyni 1 litr suvga aralashtiring.
3. 50 gr eman po‘stlog‘ini 1 litr qaynagan suvga qo‘shing. Oyoqlaringizni 15-20 daqiqa tuting.
4. Tuzli variant ham samara beradigan usul hisoblanadi. Buning uchun yarim finjon tuzni 1 litr suvga qo‘shing, 1 osh qoshiq soda hamda 1 litr suv, shuningdek, 1 litrga yarim stakan nisbatda sirka qo‘shing. “Zamin” yangiliklarini “Vkontakti”da kuzatib boring

Oyoq terlashi va noxush hidni qanday bartaraf etish mumkin?

Terlash va oyoq hidlanishidan xalos bo‘lish uchun ko‘plab layfxaklar bor, ba’zilar esa boshqa odamlarning oldida oyoq kiyimlarini yechishdan ham qo‘rqadi. Ammo vahima qilmaslik kerak: bu muammo unchalik dahshatli emas va uni butunlay hal qilish mumkin! Hozirgi vaqtda oyoqlarning yoqimsiz hidini yo‘qotishga yordam beradigan ko‘plab professional usullari mavjud.

Ayollar oyoq terlashi va hidlanishidan qanday qutulishi mumkin?

Terlashning ortishi ko‘pincha sifatsiz poyabzal kiyish yoki gipergidroz, qo‘ziqorin (gribok) kasalliklari va organizmning individual xususiyatlari tufayli yuzaga keladi. Gap shundaki, bakteriyalar shunchaki nam va iliq muhitni yaxshi ko‘radi: ular tirnoqlar ostida va o‘lik teri zarralari burmalarida ko‘paya boshlaydi va shu bilan yoqimsiz hid paydo bo‘ladi.

Oyoqlar hidlana boshlasa, qanday qilib imkon qadar tezroq yomon hiddan qutulish mumkin? Avvalo sababni aniqlash va u bilan kurashish lozim.

Bakteriyalar uchun qulay yashash sharoitlarini yo‘q qilish

Oddiy qilib aytganda, oyoqlarni toza tutish shart. Antibakterial sovun yordamida oyoqlarni muntazam yuvib turish, tirnoqlarni qisqartirish, cho‘tka va maxsus toshdan foydalanishni e’tiborsiz qoldirmaslik lozim. Pedikyur jarayonida foydalaniladigan jihozlar tozaligini kuzatish, shuningdek, suv bilan aloqa qilgandan keyin barmoqlar orasidagi bo‘shliqni yaxshilab artib olish tavsiya etiladi.

To‘g‘ri yuvish

Paypoqlarni ham ichkariga aylantirib yuvish kerak. Qo‘lda yuvish uchun bir piyola suvda suyultirilgan bir osh qoshiq iste’mol sodasi va bir choy qoshiq sirkadan foydalaniladi: paypoqlarni bu eritmada 1-2 soatga qoldirish va keyin yuvish tavsiya etiladi.

Oyoq kiyimni tez-tez yechish

Uyda va issiq havoda oyoqlarning terlashini kamaytirish va yoqimsiz hidlarni yo‘q qilish uchun yalangoyoq yoki ochiq poyabzallarda yurishga harakat qilish kerak. Yalangoyoq yurish oyoqlarda mikroblar paydo bo‘lishining oldini oladi va issiqlik uzatishni normallashtiradi.

• oyoq kiyimni ichkari va tashqarisini yaxshilab yuvish;
• taglik va bog‘ichlarni antiseptik eritmada namlash;
• oyoq kiyimning ichki qismini antiseptikka botirilgan paxta bilan tozalash;
• oyoq kiyimlarni yaxshi havo bor joyda quritish.

Bog‘ich va tagliklarni muntazam yuvib, poyabzalni to‘liq qurigach kiyish kerak. Nam poyabzalda yurmaslikka harakat qiling va kun oxirida ulardan qum, chang va boshqa zarralarni silkitib tashlashni unutmang.

Terlash va oyoqlarning hidini davolash uchun professional vositalar

Dorixona mahsulotlari va professional oyoq parvarishi komplekslari o‘z vazifalarini samarali bajara oladi. Oyoqlar uchun maxsus antiperspirantlar va dezodorantlar oyoq yuzasida harakat qilib, tez va samarali ravishda ta’sir ko‘rsatadi. Bunday mahsulotlarni olib yurish va qadoqdagi ko‘rsatmalarga muvofiq muntazam foydalanish qulay.

Mutaxassisdan yordam

Ko‘pincha ayollarda terlashning ko‘payishi va yoqimsiz hid, terining ko‘chishi va g‘alati toshmalar bilan birga keladi. Bunday holda, mutaxassis bilan bog‘lanish va belgilangan davolanish kursidan o‘tish yaxshidir. Shifokor, albatta, oyoq hididan qanday qilib butunlay qutulish kerakligini aytadi.

Oyoq hididan uy sharoitida qanday qutulish mumkin?

Har qanday dorixonada sotib olinadigan yoki uyda tayyorlanishi mumkin bo‘lgan vositalar mavjud. Muammoni hal qilishga yordam beradigan ushbu usullari nafaqat vaqt sinovidan o‘tgan, balki professional dori-darmonlardan farqli o‘laroq, yuqori xarajatlarni talab qilmaydi.

Antibakterial oyoq choyi

1. 1 litr qaynoq suvda 3 choy qoshiq qora choy bargi damlanadi.
2. Chuqur idish yoki hammomda 2 litr salqin suv bilan suyultiriladi.
3. Oyoqlarni choy eritmasiga botirib, 15-30 daqiqa ushlab turiladi.

1. Lavanda yog‘i oyoq hidini yaxshi olib tashlaydi va terlashni kamaytiradi.
2. Oyoqlarga 4-5 tomchi lavanda yog‘i surtiladi, qolganlarini salfetka bilan artib olinadi.
3. Kechasi, oyoqlarni lavanda yog‘i bilan ishqalab, maxsus paxta paypoqlar kiyiladi.

1. Olma sirkasi oyoq hidini yo‘qotishga yordam beradi.
2. 0,5 olma sirkasi 200 ml iliq suv bilan aralashtiriladi.
3. Sirka eritmasiga doka yoki paxta matosini namlanadi va oyoqlarga qo‘llanadi.
4. Aralashma 20-30 daqiqa ushlab turiladi.
5. Keyin oyoqlar artilmaydi: ularni tabiiy ravishda quritiladi.

1. 3 paket moychechakdan choy tayyorlanadi.
2. Choy sovitib olinadi.
3. Moychechak choyiga 2 osh qoshiq limon sharbati qo‘shiladi.
4. Oyoqlarni paxta yordamida olingan aralashma bilan yuviladi.
5. So‘ngra tabiiy ravishda quritiladi.

• Poyabzal g‘ijirlashidan xalos bo‘lishning sinalgan usullari
• Tovonlar yorilishining 8 ta asosiy sababi
• Oyoqlar qanday sabablarga ko‘ra uvishadi?