O’qish jarayonini juda ham qiziqarli qilishning 3 usuli to’liq malumot oling

Kitob o’qish foydali ekanligini bilsak ham ba’zan bizga eng kuchli motivatsiya ham yordam bera olmaydi. Biz kitob o’qishdan zerikamiz, ko’chaga qarasak: qushlar sayramoqda, quyosh charaqlab turibdi, o’tloqdagi gullarni nozikkina silkitgan holda mayin shamol esmoqda. Bunday vaqtda kimni ham kitob o’qigisi kelardi. Albatta hammani ko’chaga chiqib sayr qilgisi keladi. Lekin vaqtimizning ko’p qismini sayr qilish bilan o’tkazsak, ongimizni qachon rivojlantiramiz?

Shuning uchun bugun sizlarga o’qish jarayonini qiziqarli qilish haqida bir nechta tavsiyalar bermoqchiman. Marhamat:

1. O’zingizni taqdirlang!

Ichki motivatsiya yetishmagan vaqtda bizga tashqi motivatsiya yordamga keladi. Biror kitobni o’qib tugatmoqchi bo’lsangiz, o’qib tugatishingiz bilan o’zingizni taqdirlash uchun biron nima o’ylab toping. Masalan, kitobdagi har bir bobni o’qib tugatsangiz o’zingizni konfet yoki boshqa shirinlik turi bilan taqdirlang, yoki, ko’chaga chiqib 5 daqiqa sayr qilish ham yaxshi sovg’a bo’lishi mumkin.

2. Ruhlantiruvchi atmosfera yarating.

Kitobni qorong’i xonaga berkinib olgan holda o’qish shartmas. Parkda yoki yam-yashil o’tloqda, kitob o’qishga moslashgan kafelarda o’qisa ham bo’ladi. Agar bunday joylarga borishga sharoitingiz yo’q bo’lsa, xonangizni shunday bezatingki ko’rgan odam bu xonada qandaydir daho yoki malika yashasa kerak deb o’ylasin. Bunday sharoitda hammaning kitob o’qigisi keladi.

3. Birga o’qing

Yoningizda yaxshi ko’rgan insoningiz bo’lsa har qanday qiyinchilikni, xatto kitob o’qishday murakkab ishni ham bajara olasiz, ishoning. Axir har qanday qiyin ishni do’stlar davrasida, birgalikda bajarish maroqli emasmi? Ular sizga kuch berishadi. Keyin bahonalaringiz do’stlarga o’tmaydi:)