DO`STLARGA ULASHING:

Odina G’oziyeva 1957 yil 5-dekabr sanasida Andijon viloyatining Shahrixon tumanida tug’ilgan. Aktrisa san’atkorlar oilasida katta bo’lgan, uning otasi mohir sozanda Muhammadjon Yusupov, onasi esa «O’zbekistonda xizmat ko’rsatgan madaniyat xodimi» Shirmonxon G’oziyeva bo’lgan.

Odina G’oziyeva yoshligida onasi tashkil etgan «Ashula va raqs ansamblida», ham raqqosa, ham xonanda sifatida foliyat yuritgan.

Keyinchalik ya’ni 1975 yilda Toshkent teatr va rassomchilik oliygohiga o’qishga kirgan va huddi shu yili, Muqumiy nomidagi O’zbekiston davlat musiqali teatrida ham o’z faoliyatini boshlagan. Aktrisa hozirgacha ushbu teatrda faoliyat yuritadi.

Odina G’oziyeva tomoshabinlarga asosan «Otalar so’zi aqlning ko’zi» nomli teleko’rsatuvdagi chiqishlari orqali tanilgan. Shuningdek aktrisa, teatr sahnasidagi o’zining ajoyib obrazlari bilan ham ko’pchilikka yaxshi tanish.

Aktrisa bugungacha o’nlab spektakllar, film va seriallarda ishtirok etgan va shu orqali tomoshabinlarni mehrini qozonib, ko’plab muxlislar ortirgan.

Odina G’oziyeva san’at sohasidagi o’zining ko’p yillik xizmatlari sabab 1998 yilda «O’zbekistonda xizmat ko’rsatgan artist», 2013 yilda esa «O’zbekiston xalq artisti» kabi unvonlar bilan taqdirlangan.

Aktrisaning shaxsiy hayoti haqida: Odina G’oziyeva o’zining kursdoshi Sa’dulla Narzullayev bilan oila qurgan va olti nafar farzandli bo’lishgan. Aktrisaning turmush o’rtog’i Sa’dulla Narzullayev ham ko’pchiligimizga yaxshi tanish bo’lib, ko’p yillar O’zbekiston teleradiokompaniyasida faoliyat yuritgan. Bundan bir necha yil oldin esa ushbu san’atkor olamdan o’tgan.

Bugungi kunda 63 yoshdan Odina G’oziyeva o’z faoliyatini Muqumiy nomidagi O’zbekiston davlat musiqali teatrida davom ettirib kelmoqda.