NORAZTEPA
NORAZTEPA — arxeologik yodgorlik, istehkomsiz qishloq (10—13, 15-a.). Toshkent sh. ning shim. qismida (Chuqursoyda) joylashgan. 1969-y. Oʻzbekiston FA Tarix va arxeologiya in-ti arxeologik ekspeditsiyasi qazish ishlari oʻtkazgan. Qishloq bal. 5 m, eni 80 m lik tepalikdan iborat. Qazishmalar natijasida qishloq 10-a. da vujudga kelganligi va devor bilan oʻralganligi aniqlandi. 11-a. da katta yongʻin boʻlishiga qaramay, 13-a. boshiga qadar unda hayot boʻlgan. Binkat atrofidagi boshqa qishloklar singari Noraztepa ham shahar sav-do yoʻli ustida barpo etilgan va shahar atrofidagi obod yerlardan biri sanalgan. 15-a. da qishloq xarobalari oʻrnida hayot qisman qayta tiklangan.
Ensiklopediya.uz
NORAZTEPA