NAVTAKA
NAVTAKA, Navtoqa — qad. Sugʻd viloyati. Nomi ehtimol sugʻdchada «yangi toq», «yangi inshoot» yoki «yaqinda qurilgan»ni bildiradi. Navtaka Aleksandr (Iskandar)ning Oʻrta Osiyoga qilgan yurishi (mil. av. 329—327-y. lar) davri haqidagi yozma manbalarda uchraydi. Navtaka dagi qalʼalardan birida Doro III ning qotili Bess asir olingan. Mil. av. 328-y. da Aleksandrning qoʻshini Navtakada qishni oʻtkazgan. Ayrim olimlarning fikricha, N. Qarshidan 10 km shim.-gʻarbdagi Yerqoʻrgʻon sh. xarobasi oʻrnida boʻlgan. Biroq Navtakaning hoz. Qashqadaryo viloyatining sharqiy qismida joylashgan deyishga koʻproq asoslar bor.
Ensiklopediya.uz
NAVTAKA