DO`STLARGA ULASHING:

Nabi Rahimov 1911 yil 7 noyabrda Farg’ona viloyatining Qo’qon shahrida tu’gilgan.

Aktyor bolaligida, turli uy buyumlarini tamirlovchi otasiga yordamlashib yurgan. 15 yoshidan boshlab esa Qo’qon shahridagi badiiy havaskorlik to’garagiga qatnasha boshlagan.

Nabi Rahimov 1926 va 1929 yillar oralig’ida Qo’qon shahridagi kichik teatr jamosida ishlagan. Keyinroq ya’ni 1930 yildan to umrining oxirigacha Hamza nomidagi O’zbek milliy akademik drama teatrida faoliyat yuritgan.

Nabi Rahimov ikkinchi jahon urushi ishtirokchisi bo’lib, u 1942 yilda frontga jo’natilgan va 1943 yilda sog’ omon uyga qaytgan. Urushdan qaytgach o’zining aktyorlik faoliyati davom ettirgan.

Aktyor o’z faoliyati davomida 100 dan oshiq spektakl va filmlarda turli rollani ijro etgan va shu orqali tomoshabinlarni e’tiboriga tushib, ularni mehrini qozongan. Teatr va kinodan tashqari u o’zining betokror ovozi bilan yuzlab filmlar dublajida ham ishtirok etgan.

Nabi Rahimov faoliyati davomida shuningdek  «O’zbekiston» radiosidagi «Tabassum»  radioeshittirishda muallif va boshlovchisi sifatida ham bir necha yil ishlagan.

Serqirra bu ijodkor ko’p yillar «Toshkent teatr va rassomchilik sana’ti  oliygohida aktyorlik mahoratidan talabalarga saboq bergan. Nabi Rahimov ushbu oliygohda  Obid Yunusov va Ergash Karimov kabi ko’plab aktyorlarga ustozlik qilgan.

Nabi Rahimov san’at sohasidagi o’zining ko’p yillik xizmatlari uchun, 1964 yilda «O’zbekiton xalq artisti» unvoni, o’limidan keyin 2008 yilda esa «Buyuk xizmatlari uchun» ordeni bilan taqdirlangan.

Aktyorning shaxsiy hayoti haqida: Nabi Rahimov 1935 yil Lyuba ismli rus ayoliga uylangan. Ular to’rt farzandli bo’lishgan, lekin taqdir taqozosi bilan, faqat birgina Edmund ismli o’g’illari hayot qolgan. Aktyorning ayoli  1993 yilda vafot etgan.

Oradan bir yil o’tib ya’ni, 1994 yilning 23 noyabrida, 83 yoshdagi Nabi Rahimov ham olamdan o’tgan.

Aktyorni Chig’atoy qabristoniga dafn etilgan.