DO`STLARGA ULASHING:

Hozir Oʼzbekistonda jazirama issiq oʼzining eng yuqori pallasiga koʼtarilmoqda va albatta, mashinangiz uchun qaysi moy eng yaxshi ekanligi haqida oʼylasangiz arziydi.
⠀
Eng avvalo, SAE koʼrsatkichlari qanchalik yuqori boʼlsa, moyning yopishqoqligi ham shunchalik yuqori boʼlishini hisobga olish kerak.
⠀
Qishki moylar SAE 0 dan 25 gacha turkumlanadi: SAE 0W, 5W, 10W, 15W, 20W, 25W, bunda “W” belgisi Winter-Qish degan maʼnoni anglatadi.
⠀
Yozgi moylar uchun SAE koʼrsatkichlari 20 dan 60 gachani, barcha mavsum moylari uchun esa indeksi SAE 0W-20 – 0W-40, 5W-20 – 5W-50, 10W-20 – 10W-40, 20W-50 va boshqalardan iborat boʼladi.
⠀
Shuni esda tutish kerakki, W harfidan oldin qiymat qanchalik past boʼlsa, past haroratda moyning yopishqoqligi ham kam boʼladi.
⠀
Bizning jazirama issiq iqlimli mintaqamiz uchun yoz fasli uchun quyuq moy koʼproq mos keladi, moy hatto +45 daraja haroratda ham samarali boʼlib qoladi. SAE 40 yoki 50 moyi afzalroq, biroq barcha mavsumlar uchun moylar, masalan, 5w40 moyi tanlovida toʼxtash ham mumkin.
⠀
Moyning yangi turiga oʼtish toʼgʼrisida qaror qabul qilishdan avval avtoishlab chiqaruvchi tavsiyalarini oʼrganib chiqish zarur.

manba:avtoolam.uz