DO`STLARGA ULASHING:

Misvoq haqida

Bizda misvok qilish deb ishlatiladigan tushuncha tishni ishqalab yuvish ma’nosini beradi. O‘sha vaqtlarda ma’lum bir butalarning, daraxtlarning yumshatilgan novdalari bilan tish tozalangan. Dunyo olimlarining ta’kidlashlaricha, dunyo tarixida kishilarni tishni tozalab yurishga birinchi bo‘lib amr qilgan payg‘ambarimiz Muhammad sollallohu alayhi vasallamdirlar.

Islom dini hali hech kim tish yuvish nima ekanini bilmasidan avval musulmonlarni tishlarini tozalab yurishlarini sunnati muakkadaga aylantirib qo‘ygan edi.

Shunday ekan misvoq qilish deganda faqat daraxt shoxidan yasalgan misvoq bilan tish tozalashni tushunmang. Oddiy tish cho‘tkasi bilan tishni tozalash ham misvoq qilishga kiradi. Daraxt shoxidan yasalgan misvoq bilan old tishlarni tozalash samarali, lekin chaynov tishlarini tozalash qiyinroq. Tish cho‘tkalari esa bunga moslashgan, bemalol misvoq qilish mumkin.