MILSHTEYN
MILSHTEYN (Milstein) Sezar (1927.8.10, Bayya-Blanka) — argentinalik biokimyogar. Buenos-Ayresdagi un-tni kimyogar mutaxassisligi boʻyicha tugatgan (1952). Buenos-Ayresdagi Milliy mikrobiologiya in-ti molekulyar biol. boʻlimi (1961), Kembrij unti biokimyo boʻlimi oqsil va nuklein kislotalar lab. mudiri (1983-y. dan). 1975-y. da G. Kyoler va Milshteyn faqat bitta maxsuslikka ega boʻlgan antitelolarni sintez qiluvchi hujayra gibridlarini olish usulini ishlab chiqib, gibridom biotexnologi-yasiga asos solishdi. Monoklonal antitelolar olish va immunogenezning tursimon nazorati boʻyicha kashfiyotlar qilgan. Nobel mukofoti laureati (1984, G. Kyoler va N. K. Yerne bilan hamkorlikda).
Ensiklopediya.uz
MILSHTEYN