DO`STLARGA ULASHING:

Aktrisa Madina Muxtorova 1964 yilda Toshkent shahrida tug’ilgan.

Madina Muxtorova maktab davridanoq turli musiqiy tanlovlar va radio eshittirishlarda qatnashib etib yurgan, keyinchalik esa ustozi tavsiyasi bilan Toshkent teatr va rassomchilik san’ati oliygohiga kirish uchun imtihon topshirgan hamda to’gridan to’g’ri ushbu oliygohning ikkinchi kursiga qabul qilingan.

Madina Muxtorova ushbu oliygohda Bekzod Muhammadkarimov,Abduraim Abduvahobov va Fathulla Masudovlar kabi aktyorlar bilan bir kursda tahsil olgan va 1984 yilda o’qishni tamomlagan. Aktrisa o’z faoliyatini 1990 yilda Yosh tomoshabinlar teatrida boshlagan.Ushbu teatrda bir yil ishlagach faoliyatini O’zbek Miliiy Akademik drama teatrida davom ettirgan.

Hozirgi kunda ham u  ushbu teatrda ishlaydi.

Madina Muxtorova bu teatrda ishlash davomida «Gamlet» «Alisher Navoiy» «Qirol Lir» «Shum bola» va «Afandining besh xotini» kabi mashxur spektakllarda bosh rollarni ijro etgan. 

Bu aktrisa kinofilmlarda ko’p ishtirok etmagan bo’lib, tomoshabinlar uni asosan «Tog’lik Kuyov» filmidagi obrazini yaxshi bilishadi.

Madina Muxtorova aktrisa sifatida bugungacha ko’plab spektakllarda hamda o’ndan oshiq filmlarda ishtirok egan.Shuningdek u ellikka yaqin kino va multfilmlar dublajida ham qatnashgan.

Bu aktrisa o’zining ko’p yillik faoliyati orqali 2003 yilda «O’zbekiston Respublikasida xizmat ko’rsatgan artist» unvoni bilan taqdirlangan.