LIRA
LIRA (yun. lyra) — qad. torli tirnama yunon musiqa cholgʻusi. 7—11 torli boʻlgan. Chap qoʻl barmoklari bilan torlarni tirnab chalinadi. Epik va lirik sheʼrlar ijrosiga joʻr boʻlgan Lira (lirika soʻzi shundan) Apollonning safdoshi hisoblangan. Liraga oʻxshash sozlar qadimdan Yaqin Sharq va Misrda, hozirda baʼzi Afrika xalqlari orasida uchraydi. Liraning takomillashgan turi kifara deb ataladi. Keyingi davrlarda Yevropada turli torli sozlar ham Lira deb atalgan. Liraning tasviri jahon madaniyatida musiqa sanʼati ramzi sifatida qabul qilingan. Toshkentda 1896—1918-y. lar «Lira» nomli xor musiqasi jamiyati faoliyat koʻrsatgan.
Ensiklopediya.uz
LIRA